تقليدي بالف عشق

البارت ٥٢

#تقليدي_بالف_عشق

#الكاتبة_اطياف_ابراهيم

#البارت_٥٢_ج٢

...............................
سـ اكون بجابنك
حتى وان سئمت وجودي
لا اقايضك بالمقابل
فـ يوماً ما ستعود الطيور المهاجرة الى اوطانها🕊️🤎

................................
قائد.. ركضت للسيارة جان اشوف ابو صكبان وابنه يحاولون ايفتحون الجنطة ركضت عليهم مثل البركان كلت راح ياخذو اول شي سويته ضربت ابو صكبان بوكس وابنه هاج مااحس اله واني جاي اضرب بابوه ما احس اله........ بقيت فاتح عيوني ع الصار...

شو كبل الشرطة والسكيورتي مال مستشفى كلها فوك راسنه واموجهين علينه الاسلحة ونص يحجون كردي ونص عربي

واحد عُربي كال اررررفعو اديييكم ليفوك شجاي تبوووكون من هالسيارة

قائد..هاي سيارة نسيبي

طلعلي المستمسكات الثبوتية

قائد.. رحت فتحت الباب جريت الجكمجة ملكيتهن
نزلت المرايه لكيتهن وكتله صاحب السيارة ذاك بردهته بالفراش مصاب

بقى يسأل ويستفسر ليش مصاب وشرحتله

بالاخير ردت أبلغ ع ابو صكبان واكول جان يبوكونه بس خفت اضر سعيد بهاي الشغلة

سكتت وكتلهم خلاف بسيط بيناتنه

ابو صكبان بسرعة اخذ ابنه وراح

طببت اللابتوب للغرفة وحجيت السعيد كلي احسن شي اتسوي لو مبلغ جان دخلنه بمعمعه خلينه انطمطم والله كريم

اني مااكدر ابقى باربيل اكثر خلي يعدي هاليوم ونرجع ممرتاح للوضعية وخايف لا ابو صكبان يدك بينه الناقصة

قائد.. التشوفة انت ترا اليشتغل وياهم ابو صكبان ايخلون الدوله بجيبهم واليضوجهم يذبوه ورا الشمس ومحد يحاسب ولا كتيب ولا رقيب فوك روسهم

سعيد.. بس هسة اخذت هذا اللابتوت اكيد راح يجيبلنه معلوماتهم ولو نلكة راس الخيط والراس المدبر الهم

حتى ابو صكبان وعائلته اخييسهم بالسجن لو متورطين بجرايم قتل ولو اعترفو مهرب ابنهم واخسر شغلي وانسجن هم عادي

لان المثل ذوله الجلاب ماذيين الاف العالم الابرياء

قائد.. لا تذكرني مرت عليه ايام شفت بيهن الويل...تدري بيوم الانخطفت اجيت هداد عليك بيوم سيرين ابنها مات ببطنها وكالو تخسر رحمهه يمكن انت لهسة متدري بهل الاحداث

سعيد.. دنكت وكتله لا ادري وانكشف المسوي المكيده بعد... بس بعد فوات الأوان

قائد.. سعيد شكد جنت محمل عليك بس وكفتك الي اليوم طلعتني من حلك الموت اخوتي ما سعوو ورايه وانت طلعت طيب وابن اصل وكلك نخوة مااعرف شلون اردلك هذا المعروف