تقليدي بالف عشق

البارت ٣٦

#تقليدي_بالف_عشق

#الكاتبة_اطياف_ابراهيم

#البارت_٣٦
.................................
مساءكم عسل يا عســ🍯ــل انتوو
البارحة نزلت بحسابي مانزل استراحة وهم اول يوم عيد وردت ابقى مع الاهل لان صدقا البارت الواحد ياخذ من وقتي من ٦ الى ٨ ساعات

(بارت طوووويل لعيونكم 🤎)

..................................
لا انت العفتــني!!
ولا رضيت انســـــاكـ
وما مقتنع باجــر يمشي من دونكـ
وكلشي يهــــون بعدكـ
حتى گلــــبي يهون
بس وداعتك
اريد افــهم اشـــلونكـ
خلص كل الحجـــي وانســاكـ بس شـنساكـ؟!
جيب اليشطــب من الذاكـــرة عيــونكـ
بچــااة
احــاول ماافكـــر بيكـ
واصبـــر روحــي بالگـوة
شفت نفســـي بقاياة انســـان
لا حــول ولا قــوة

...................................

بيان.. طبيت للمطبخ والدمعة بعيني جان اشوف مهدي درت وجهي عنا ورحت لغرفتي صاحني مرديت علية لان للاسف خذلني وجنت منتظرة منه ولو بصيص امل صغير لخاطر خوتنه وصداقتنه كنا مثل الاصدقاء بس توضحلي الناس تختبر معدنها بالمواقف

طبيت للغرفة احس ماكو شي يسيعني كلشي ضگ ويخنك احس نفسي بقبر وضيقته تعتصرني
ارتجيت ع الباب وكنبصت بالكاع وادية على راسي نزلت دموعي من روحي شلون ابجي على عثمان واني عندي رجال
وابجي من كلبي المراضي يتقبل العقل والمنطق
وابجي من ظلم اخوتي اللي سلطتهم علية الدنيا الغبرة
تعددت الاسباب والموت واحد
يي مثل الموت جنت احس اموت بين الثانية وتلاها والكل عايش ومرتاح

اااااخخخخ يا وجعك ياكلبي اااخ اتمنى ايوكف دك واخلص مع عذاب الضمير وعذاب الجسد والقلب ميتة لوعة بية وماالهن دوة

ليش هيج يا ربي بيوم وليلة انقلبت موازيين حياتي
حتى اخوتي الجنت مدللتهم الصغيرة صرت علتهم ومشكلتهم الجبيرة
ربي شكد ماانت تعرف بحسن نيتي وصفاء كلبي لتردني وشوفلي حوبتي بكلمن ظلمني يارب

كمت للجرباية التلفون موصلتله ولا اريد اتقرب يمه مااتحمل احاجي شخص ويتغازل بيه لو يكلي بادلين الحب لو المشاعر

صعببببة ولله صعبة
قبل جنت مااعرف الحب وجنت بالمسلسلات اشوف اللي يحب يتاذة وييجي ويتعذب من يفترقون واني اكول شكد يجذبون ويبالغون وجنت بعفوية اكول قابل كطعو علية المي والاكل وراح يموت شهل خرابيط بس هو تمثيل بعد اكتشفت حاليا محد يحس بالجرح اله لمن ينجرح ولا احد راح يفتهم الالم غير راعية و انو لو تعيش بذل وقهر وجوع وضرب وعمل شاق كلها اهون من عذاب الحب والفراق الف هم بالجسد ولا هم واحد بالكلب واني هسة محملة هموم

خليت راسي ع الفراش وغمضت عيوني الشافت انواع القهر ولسه بعدها ببداية الطريق

..............................
سيرين.. اروح وارجع مثل المخبلة وعقلي مشوش
واله بعد اقل الساعة خابرني سعيد وكال اخذته منهم ليظل بالج وطمني بيان... حمدت الله وشكرتة عدت على خير