تقليدي بالف عشق

البارت الاخير

كم تمنيت ان اعرف النهاية قبل بدأها😓
كي اضع حدود لتلك المشاعر والحب المفرط💔

..............................

سعيد

بعد الموقف الصار تعهدت على نفسي ماارجع لسيرين لو تنصب ذهب

بقيت حاير بالشغل اصلا ماالحك لشي منا دوام ومنا صكبان ومنا الحاسبة

مجطل على تلث جهات وسيرين رابع جهه

اتفقنة على يوم انهرب بي حكيم واتفقت ويا فهد وهو كال اني امشي الاجراءات الباقية

كال راح اخلي واحد يضربه ببطنه ومنها انقلة للمستشفى والحرس اني الاخليهم مضمونين اسييرهم على ايدي ومناك طلعو

مشينه ع الخطة على حسب الاصول

وفعلا انضرب حكيم رغم ابو وهو كلبو الدنيا وخايفيين بس جبرتهم يتقبلون

نقلوه مستشفى

ومناك صارتلنه فرصة فتنه بصفتنه كادر طبي بدللناله وطلعانه وكدرنه انوصله للسيارة

اني بقيت بالمستشفى رحت لردهه التبديل

هو ابوه واخوه اخذوة واني انتهت مهمتي وياهم

طلعت من الردهه صار بوجهي رجال يطلع بعمر الاربعين

كلي شلونه الحبيب... يكولون لهسة مفاتح حاسبتنه واحنه اجيناك ناخذك ويانه نعلمك الرمز بطريقة مبسطة...

...............
رسل

بيوم صادف استراحتنه اني ويا اتفقنة نطلع ونسه

بدلنه وطلعت

اول مطلعت احس عندي الم مو طبيعي براسي كلت يجوز ارهاق وتعب

بقى املازمني طول الطلعة واكابر مااريد اخرب الطلعة لو ابقى انكد واونون

وصلنه المطعم جربت الكرسي دااكعد

تالي مااحس اله افترت الدنيا ووكعت من طولي محسيت بشي بعد

...............................
سيرين
ايام بعد زواج قائد ورسل بحدود الاكثر من عشره ايام اجتنه ام سعيد خايفه وتبجي ومذهوله

احنه تفاجئنه من جيتهه واني خفت ما اعرف شنو سبب الزياره بقيت اترقب ردت فعلهه وشنو راح دكول جان دكول ابني سعيد ماكو حرت صارلي تلاث ايام حرت وين ادور علي اني وكرار دورنه كل اصدقائه وكل كرايبنه ومكان دوامه الي ابغداد ومكان دوامه الي بسامراء ما لگينه اله اي اثر معتمده على الله وعليكم اريدكم تفزعون وياي مثل ما نقذ ابنكم قائد فدوه اروح الكم ما عندي غيره هوه والسند والمعين اليه اريدكم تلكوليا لو مدري وين ما جان اني داخلة على الله وعليكم

اني هنا نصدمت بقيت اباوع عليهه وعيوني غرغرت بالدموع وخفت عليه كولش هواي حسيت بشعور بداخلي خوف بداخلي ما ادري ليش معقوله بعدني احبه وشنو الي صار بيه او علمود بته او شفقه او اهتمام فبقيت ابجي خفت لا ينتبهون عليه فركضت رحت للغرفه