#تقليدي_بالف_عشق
#الكاتبة_اطياف_ابراهيم
#البارت_٣٠
شلونكم احبائي لا تنسووو التصويت (بارت طوووويل جدا جدا جدا لعيونكم ♥️)
..............................
سعيد
وعاتبيني..!
وعاتبني لو كلبي غلط
لا تعتب اعله الساني
هو اني جم اعشكت
بس امي وانت الثاني
بچاة
ويجي الليل
ويجي الليل و ورا ليل وبعد ليل....
واحن اكثر واحبك حيل
..............................
سيرين .. فزيت من كلامهه والمن السعيد تذكرت كل موقف ويايه بس يخزرني ومن تعارك ع صدريتي لان ضيقة جان كبل اكولهه خالة اني مااريد ارتبط لا هسة ولا بعدين اني كلبي بعده ملجوم وجروحي بعدهه طرية وممستعدة اكتفيت وبعد مااعيد الكره اسفة خالة
ياسمين.. عله كيفج سيرين ميصير هيج تردين بسرعة القرارات المستعجلة تولد الندم
ام سعيد.. احبيبة انه حابتج وابني ممعيوب ولو ادري راح يقصر وياج جان مااجيتج عبن احبج واريدلج الزين
سيرين..دمعت وخجلت منهه كوه تحجي وحبابة كتلهه ولله اني احبج وتذكريني بماما الله يرحمهه بس الزواج قرار مصيري واني انجويت مره ماعندي قابلية ادخل بتجربة ثانيه...
ام سعيد.. انه راح اعتبرج مكلتي شي وفكري عله كيفج واردلج بعد اسبوع من تصفيلج ع مرسى امن وقرار صايب
سيرين.. طلعت سلمنه عليهه بوجهي رحت للغرفة بعدني بصدمتي جان رفضي ناتج من امرين كلبي الاحسة انوجع على رامي فوك خيانته بس مالنه سلطة على مشاعرنه هو جان اول تجربة حب الية وخوش وجهلي صدمات وخلاني اوكف على نقطة لا اريد احب بعد واوصل صوب الحب بس ذكرياتي ترجعني علية هو عاش حياته ونساني بس اني ضعيفة كدام مشاعري المتضاربة والسبب الثاني خوفي على اختي البعدهه اول عمرهه عوقتهه مروة ما امن اعوفهه بنص هالغابة تواجهه المصاعب وحدهه
اوووف لا اني بسما ولا كاع
هسة عرفت ليش جنت تخزر بيه وتريد تشرب من دمي
يعني ليش خطبتني
يمكن تريد تنتقم مني
بقيت افكر وافكر وماالكه اجوبة لاسالتي
اندكت الباب طب سمير
سمير.. شلونج سيرين
سيرين.. زينه مستغربة جيتك سمير صارلك شهور مطاب الغرفتنه
سمير.. اجيت احجي وياج بموضوع سعيد شوفي اني انطيج رائيي موافق بي ع الاقل نعرفة من سنين واخلاقة مشهودتله بالمنطقة ومشفت منه العيبة وخلوق وشاغول واني رائيي موافق والباقي يمج اجيت اطمن شكوكج خاف تفكرين يطلع مثل رامي بس هو رجل مختلف عن رامي جذريا
سيرين.. الله كريم افكر واشوف .. طلع طلعت ورا اختنكت من الكعدة رحت للمطبخ لكيت مروة وياسمين يشتغلن مروة تغسل اماعين اكلها هي وماجد وياسمين دتجهز عشا
YOU ARE READING
تقليدي بالف عشق
ChickLitلـ اطياف ابراهيم قصة واقعية لفتاةتتزوج شاب لا تعرف عنه شيء سوه اسمة فما مصير حياتها معه هل للعشرة حق في ايقاعهما بالغرام ام بالالام هل المواقف ستبني منهم مثاليون ام سيئون
