تقليدي بالف عشق

البارت ٥١

#تقليدي_بالف_عشق

#الكاتبة_اطياف_ابراهيم

#البارت_٥١_ج٢

................................
سعيد لـ سيرين

هم تشتاك لعيوني لو عني الوقت دارك
اويلي شكد الك اشتاك اموت واعرف اخبارك
منو يبوسك على الشفه منو يغطيك من تغفى
جمر صاير على فراقي لو ماانطفت نارك

متكلي ياتشتاك اشو اني ارجف وانت ولا جنك
وتفتح باب هجرك للوصل ملهوف
المفروض لحبيبك ينفتح حظنك
لو تدري بغيابك كم جرح ربيت
كان دموع عينك زاعلك ردنك
هم سامع حمامه تزاعل البستان
عفت كل الأشجار وجاي لسجنك

.....................
قائد.. جاي احجي وياها مااحس اله اشوفلك ابو صكبان كبالي وابنه وياه

سديته وركضت عليه هديت بيه ضربته بوكس بوجهه

كتله لكككككك صااااااقط متلاوي وياك بيوم اعرررررفك حدددددرك شاييييفيني كوااااااااد سلمتتتتتتني للمجرررررمين

النبي موصي بالجار واني ميت حمار ولا هالجاااااااار

عطوان.. وخررررر منه لك جاي اعالج ايده

قائد.. لا اليوم ابللللغ عليكم كوا... يد واخليكم تييييخسون بالسجن يا جلاب

ابو صكبان..بلغ ياهو اللازمك اخبر عنك الريس وانطي احداثياتك زائدا سعيد الطلعك من حلك الموت ينفصل من وظيفته لان اتعامل ويا مجرمين

قائد.. ضرب الحايط بوكس وكتله تهووووون يبو صكبااااان تهووووون... والله اجت من صاااالحك يا عار يا جلب يا مكطم

عفتهم ورحت كعدت ع المسطبة ممصدك طلعتشفت بشر حياة عادية بعد مجنت مخنوك على انفاسي ومحبوس بين أربع حباطين والاقوى يجبررررروني اذي ناس ابرياء حتى يوكعوهم بس الحمدلله كل واحد طلبو مني احقنه مخدرات جنت استبدلهه بمنومات ومسكنات جنت اطلع للصيدلية اشتريهن بوكت استراحتي الي ساعة باليوم اطلع تحت الرقابة
بس جنت اكل للمراقب اخذ علاجات للكلى

غمضت عيني ورجعت اول يوم عاكسني سيارتين بالبداية جانن وراية وحدة كامت ترمشلي تعبرني انطيت مجال اجتازني وشفت وحدة ملاطخ وراية
تدوهنت مكمت اشوف طريقي اللي كدامي بطئ سرعته والورا زايد بيها

مصار كدامي غير اطلع السايد اليمين طلعت وجنت دايسلهه سريع وخففت بالبريك السيارة مااتزنت كامك تمشي كاز مااشوف غير مهبودين من الجسر بس بنزلته وماكو سياج انكلبت السيارة بيه صفح وصارت مائلة بالربع ساعة اريد اطلع روحي مااكدر

من حلات روحي كمت استنجد
ياااااناس يااااهل الررررحم وينكم
طلعوووووني لا ينفجر خزان البنزين

مااحس السيارة يدفعون بيها ويحاولون يعدلون من جهتي

عاد اني راسي معوج مايل واصل للسكف  كدرو يزحزحون السيارة شوية واني اتشكر منهم واحمد بيهم