تقليدي بالف عشق

البارت ٢٤

#تقليدي_بالف_عشق

#الكاتبة_اطياف_ابراهيم

شلونكم يا حلوين يعني متتصورون شكد فرحانه بتفاعلكم بالقصة وسويتولي واهس وتدللون بارت جبيرررررر ع كولت نورس بكد القطااااااار😄
لتنسو التصويت حبايبي
......................
اني اتمنى البديل يخونك
حتى تدري شصار بية بدونك
حتى تدري شجنتلي وشحاسبك
الماخذك ما يسوة رفعة حاجبك
شلون خلصت الليالي احجيلي
انا بدونك ثانية تهد حيلي
و دورت كل الينسيني وما نسيت
لملمت كل حيلي
لملمت كل حيلي يمك
لچن من شفتك بجيت
بچااة
الف هنيالك نسيت
وبشخص غيري التهيت
اني بعدك
دورت كل اليشبهونك عليك
وما لگيت.....

بيان.. رجعت للبيت مغثوثة منا ولو هو مرات تصادفنه هيج نماذج بس هذا غثني زيادة لان مو مراهق واعذره واكول يلا عايش اللحظة بس هذا رجال واعي.... شمرت الجنطة وباوعتلها نفس كعدتهه واعتكافهه والوجة ذابل اوووف يا سيرين مشفتي يوم عدل وين متذبيها سودة مصخمه

شلونج ام السوس المن غبتي ولج

سيرين.. هلو بيان مالي واهس ابد

بيان.. هاي عود انتي الشاطرة ولج ولا يستاهلون تقهرين نفسج ع الرياجيل كلهم عيونهم زايغة ويرادلهه فكس

سيرين.. اووووف ولج كلبي ملجوم منه ممصدكة يخوني الله عليج باعيلي شنو الينقصني خاف اني بيه لوله ومعجبته ودور وراية

بيان.. هاي صدك تحجين لعد لو عدج خشمي هذا شسويتي فارش بغداد وطالع ع الحلة وانوبة احمر

سيرين.. ولله يمكن بيه خلل.

بيان.. شوفي حبيبتي كل خلل ما بيج الخلل بعقولهم اللي ما تكتفي ولا تقتنع  اشو شطب ريحان والشعر تمر يجنن وشطوله ورشيقة وملامحجج تجنن شيريد بعد وبعدين الحب بالكلب مو بالعين وانتي كلبج ماكو ابيض ولا احله منه بس الفارغة عينه ميترسهه غير تراب الكبور

سيرين.. ولج اسم الله

بيان.. ااااخ مثل البزونه تحب خناكهه ولج كل هالبله وتحبي عمي حظوظ دمشي كدامي صبيلنه اكل مو كاعدتلي كعدة جيل الطيبين وايدج عله الخد متدري وين تردين توصلين بصفنتج مدري داخله تحدي ويا ابو صابر بالصفنه

سيرين... ههههههه اووووف من السانج اكوم اصبلج لان شيخلصني من السانج

بيان.. جنت اريد اضحكهه واطلعهه من الجو المغيم عليهه بس كلبي يبجي دم ع حالهه نزلنه ناكل حان غدانه تبسي وتمن شعريه ودجاج بعدنه هستونه بسم الله بدينه طلع البدر علينه الست مروة وهي حضورهه مثل الاعصار لازم يلف ويكرف ويكسر ويولي كلت ها يالله سطريهن من الاخير

مروة.. يمه بيان من السانج عود اني بحسبة اختج الجبيرة ولا تحترمين... اجيت ع ريحة اموت ع تبسي ونكعد نسولف كعدة بنات