تقليدي بالف عشق

البارت ٥٠

#تقليدي_بالف_عشق

#الكاتبة_اطياف_ابراهيم

#البارت_٥٠_ج٢

...............................

ابمملكة الحزن وحدي ..
بالهم انتهي وابدي
انه الامر الناهي
البلاط اتفصل ابجلدي
عرش روتيني يجدد
طليته ابملل مايصدي
اسمع ايها الحاجب
اعيوني اگبالك اتندي
اريد الحزن يتنصب وزير ابمملكة خدي
اذن خلي الالم يدخل ...
عليمن گاعد ابوحدي
يمنع اي جرح ينزف
اذا مو دمه من عندي
اكرم حضرة الكابوس
اعدم كل حلم وردي
طلعلي الفرح بره
مني اشجاي يستجدي
ما ضلة ولا ضحكه ...
الضحك يوصلني ويعدي
احب الحزن .....
بس هوا الوحيد الما وگف ضدي.
....

سيرين.. خلص شهر الدوام مال سعيد وتوقعت يدز على غسق بس ماكو

مر اسبوع وهو ماكو اصلا مختفي حتى اتصال ماعدة بالنت ولا يخابرني لا ع الرصيد ولا شي

تذكرت الكالة خمشني كلبي معقولة الحجاه صدك...

شنو القصة ام شعيد مااجت ردتها بس تجي افهم منها ماكو

زين اني هسة ليش قلقة ماادري

مرن اسبوعين ابد ماكو

كاعدة ابدل الصبح ب ٦ الا ربع اريد اداوم

اجاني اتصال من سعيد بسرعة جاوبت جنت خايفة وشعور غريب حاسة بي شي

جاوبت جان يطلعلي صوت مألوف سامعتة مو صوت سعيد... هالصوت اعرررفة يمممكن الاباااالي.... هذا منووووو أاااا معقوووووولة

.............

بيان

حاليا احنه ببداية شهر الواحد اني علية هسة ست شهور بطني بدت تبرز اكثر بس ماخذة بالتقدم امبوزة اخذت دوبلر وطلع ولد وعثمان طاير من الفرح

حياتنه كلشي بيها حلو وبسيط الا اهله اخواته بالتحديد رنا ورونق اكبرهم واصغرهم امنغصات حياتي

فوك كرههم الية لازم كل اسبوع يجني عبالك دورية تفتيش

صادفت يوم خميس عثمان كلي حبيبتي خل نطلع للمول انجهز للطفل ونغيير جو

كتلة عادي بس غير لازم من شهر السابع هسة يكولون ميصلح ومدري شنوو

عثمان.. حبيبتي بربج شيفرق اذا هسة واذا بعدين كومي كومي مشتهي كنتاكي مطاعم ومقبلات امشي وبطلي سوالف العجايز

بيان.. ماشي بس لتقلد... كمت داابدل ع السريع كمت ونزلت عثمان جان يرش بالسيارة صاير عليها تراب صحتله حيااااتي اني جاهزة شو هذا طب وويا رنا باوعتله هو اكثررر مني منصدم كلتلها هلا والله شلونج مشتاقيلج

رنا.. والله مشتاقه لاخوية وجيت اشوفة شلونه ما لونه... اي كليلي شطلع بيج

بيان.. ولد