تقليدي بالف عشق

البارت ٤١

#تقليدي_بالف_عشق

#الكاتبة_اطياف_ابراهيم

................................

السلام عليكم ورحمة الله احبائي

اتمنى متنسو التصويت

اشكر كل كلام الناس الطيبة الخلوقة حسيت فعلا اللي قيمة عدكم🤎

(باررررررت طوووووووووويل جـــدا للطيبين)

..................................

محلاها العيون سحرتني بالنضرات ويلي
وبحبها مفتون عاشك هواها سنين ويلي
و ما تقبل تنام واشكيلك من العين ماتقبل تنام
وقبل اول العام اذكرها نامت يوم بويا
و حدر الشفايف نامو حجايه جفاك
و ليل السوالف وشمطوله ملكاك بويا
ماعدها نيه تكبر وتنسا الشوك
و روحي خطيه ياحيف اجاها الشيب ويلي روحي خطيه
محلاها العيون سحرتني بالنضرات ويلي
وبحبها مفتون عاشك هواها سنين ويلي
وبحبها مفتون.......

عثمان
شهر الواحد سنة ٢٠١٨ واخيرا بعد انتظار وحب دام اربع سنوات اليوم رايح اعقد وراح تصير مرتي بشرع الله اليوم اللي جنت احلم بي ومتخيلة مستحيل

بس لو ما نصيحة سعيد وتقربي من الله والدعاء والزيارة يمكن مجان كافئني بهيج جوهرة باهظة الثمن وهي بيان

واكف كدام المراية ولابس قاطي وارتب بشعري لميت الاهل والاصدقاء والاقارب ردت مشية تسد شارعهم واشوف الكل اجيت واخذت الاحبها

فتت بنص ابوي وعمامي وكبار عشيرتنه لبيتهم وقرو الفاتحة وعقدنه ع الجعفري مردت اي معرقل بس خل تعدي وتصير مرتي مااريد غير هالشي عسما يكولون اعقد بكنيسة اروح واعقد هناك

......................
بيان
لبست الفستان للانسان الحلمت بي وتمنيته والله وهبنيا بعد صبر و معاناة

لابسة فستان لونه فضي وبي خيوط فضية تلمع مخصر على طولي وشعري تسريحة بسيطة بالصالون ومكياج ناعم

اباوع النفسي معرف روحي

سيرين.. صافنه عليها والدمعة بعيني حبيبتي واخيرا صارت عروسة من صدك طالعة لعابة والعيون خضر صبغت شعرها عسلي فاتح طلعت ابد مو منا حضنتها وكتلها كسرتينه كلنه طالعة اجنبية عيني الشقراء لبستها البرنص وغطيتها ورجعنه للبيت

بيان.. وصلت للبيت وكاعدة وانتظر معزمنه احد من كرايبنه بسبب بيت عمة ام ياسر مردنه يصير قيل وقال وتوصللهم بس الولد وسعيد
ركضت سيرين وكالت اجو بقيت افرك ايد بايد من التوتر طبو كرايبة وامه نصهم ممحجبات سلمو وكعدو واني خجلانة حتى مااكدر ارفع راسي

بعدين كالو السيد يريد يعقدلهم كومني فرات وسيرين ورحت للغرفة لبست ازار الصلاة وسيرين خلت بادية جف شكر والثاني تمن كالت هذا للمودة والرزق بينكم