"ဝေ...မား...အွန်း...သိပါတယ်...အင်း။ စိတ်ချဂရုစိုက်ပါ့မယ် အွန်း....ခုသွားတော့မယ်ရပြီလားဗျ?။ အင်း...ဒါပဲနော်....အင်းချစ်တာပေါ့ မွ"
မားဘက်ကနေဖုန်းချသွားပြီးနောက် ကျန်နေသေးတဲ့စာအချို့ကိုအပြီးသတ်ဖို့ပြင်ရပါတယ်။ ဒါပြီးရင်တော့ မားစကားနားထောင်ပြီး အပြင်ထွက်ဦးမှပါပဲ။
အခန်းထဲပိတ်နေတာက မကောင်းမှန်းသိပေမယ့် စာတွေများလာတဲ့အခါ မနေချင်လည်းနေရတယ်။ ဆေးကျောင်းသားတစ်ယောက်ဖြစ်တဲ့ကျွန်တော်က ရည်မှန်းချက်ကိုထိထိမိမိလှမ်းနိုင်ဖို့ တကယ့်ကိုအပြင်းအထန်ကြိုးစားရတာပေါ့။စာတွေကိုပြတ်သလောက်နီးပါးဖြတ်ပြီးတဲ့အခါ ပူနေပြီဖြစ်တဲ့ခေါင်းကြောင့် ဆက်ပြီးထိုင်နိုင်စွမ်းက ကုန်ဆုံးသွားပြီ။ အနည်းငယ်အပျင်းကြောဆွဲပြီးနောက် အခန်းပြတင်းပေါက်ကနေတစ်ဆင့် အပြင်ဘက်ကိုလှမ်းကြည့်လိုက်တော့ ကျွန်တော်သဘောကျတဲ့နှင်းဖြူဖြူတွေကိုမြင်ရတာကြောင့် တကယ်စိတ်ချမ်းသာသွားရတယ်။
မားပြောတဲ့အတိုင်းအပြင်လေးဘာလေး ထွက်လျှောက်ပြီး လေကောင်းလေသန့်လေး ရှုဦးမှပါပဲ။ နှင်းတွေကြားခဏတစ်ဖြုတ်လောက် လမ်းလျှောက်လိုက်ရရင်တော့ စိတ်တွေပြန်ကြည်လာမယ်ထင်ပါရဲ့။
အိမ်ထဲမှာထက်စာရင် အပြင်ကအများကြီးပိုအေးမယ်ဆိုတာကိုသိတော့ အအေးကြိုက်ပေမယ့် ကျွန်တော် အနွေးထည်ထူထူကိုကိုယ်မှာစွပ်ပြီး သိုးမွှေးဦးထုပ်လေးကိုလည်းဆောင်းလိုက်ပါတယ်။ အပြင်ထွက်ရင်း လိုမယ့်အရာလေးတွေပါ တစ်ခါတည်းဝယ်ဖို့ဆန္ဒရှိတာကြောင့် ရှိစုမှတ်စုငွေတစ်ချို့ကို သေတ္တာထဲမှထုတ်ယူပြီး အပြင်ကိုထွက်လာခဲ့လိုက်တယ်။
မြို့ပြနေရာမဟုတ်ပေမယ့် ပေကျင်းမြို့ကြီးရဲ့အပိုင် ဤလမ်းမတစ်နေရာကတော့ လှုပ်ရှားသွားလာနေတဲ့သူတွေအမြောက်အမြားနဲ့စည်ကားလို့နေတယ်။ နှင်းမှုန်ဖြူဖြူတွေက အရောင်စုံထိန်လင်းနေတဲ့ ကြော်ငြာဆိုင်းဘုတ်တွေအထက် တစ်လျှလျှ
ဝေကျနေပုံကလည်း ကျွန်တော့်ဝါသနာကို ပြန်နိုးထချင်လာအောင် အင်မတန်ဆွဲဆောင်လွန်းနေတာ။
YOU ARE READING
Dear My Life...
FanfictionDear My Life, I love you. By the way, I was made for loving you. This is all for now.The only thing is that I love you. With best loves. ...