သူတို့ပြောတဲ့ အချစ်ကပေးဆပ်ခြင်းတဲ့။
တချို့ကြတော့လည်း ရယူခြင်းလို့ပြောကြပြန်တယ်။
ဘယ်ဟာကိုရွေးရမယ်မှန်း မသိတော့တဲ့အခါ... ကိုယ့်ဘာသာ အဆန်းထွင်လိုက်တယ်။ကိုယ်ပြောတဲ့ အချစ်ကတော့ ချစ်နေခြင်းရိပေါ်ရဲ့။ အတူတကွချစ်နေကြခြင်းပေါ့ကွာ။
---------------------------
"ဘာ!ကောင်းပြီ...ပြင်ထားလိုက်မယ်"
ဖုန်းကျသွားတဲ့နောက် ဆရာကြီးဟာခါတိုင်းနဲ့မတူ၊ သူတို့ရှိရာဘက်ကို တည်လွန်းနေတဲ့မျက်နှာထားနဲ့ကြည့်လာခဲ့တယ်။
"အားလုံးပဲ...တောင်ပိုင်းက အရက်ချက်စက်ရုံပေါက်ကွဲ သွားတယ်။ ငါတို့နဲ့အနီးဆုံးမို့ လောလောဆယ် ငါတို့ဆီလူနာတွေအများကြီး ရောက်လာလိမ့်မယ်...အားလုံးအဆင်သင့်ပြင်ကြပါ"
ဆရာကြီးကအေးအေးဆေးဆေးပြောလာခဲ့သည်ဖြစ်သော်လည်း အမိန့်သံအဆုံး၌ လူသစ်လေးတွေအားလုံးဟာ ပြာကုန်ကြပါတယ်။
ရှောင်းကျန့်လည်း အပါအဝင်ပေါ့။သတင်းကြားကြားချင်း အရက်ချက်စက်ရုံဆိုတော့ အရမ်းပြင်းလောက်ကြောင်း သူသိလိုက်တယ်။
သာမန်ဆိုရင်တောင် စက်ရုံပေါက်ရင်မလွယ်တာ အရက်လိုလောင်စေပေါက်စေတတ်တဲ့ အရာတွေထုတ်တဲ့စက်ရုံဆိုရင်တော့...မတွေးရဲစရာ။
အားလုံးက လိုအပ်ပစ္စည်းတွေအကုန်ထုတ်ကြပြီး အရေးပေါ်အခန်းတွေကို အဆင်သင့်ပြင်ကုန်ကြနေပြီ။ သက်သာနေပြီဖြစ်တဲ့ လူနာတစ်ချို့ကိုလည်း အခန်းတွေရွေ့ပြောင်းကုန်ကြပြီ။
မေ့ဆေးဆရာဝန် နဲ့ သူတို့လိုအကူတစ်ချို့ကိုတော့ ခွဲခန်းတွေထဲမှာပဲ စောင့်ခိုင်းထားပါတယ်။
ရှောင်းကျန့်ဖြင့် စောင့်ရင်း ခြေဖျားလက်ဖျားတွေအေးလာတာဆိုတာ။
ပြောရမယ်ဆိုရင် ဒီလောက် ပြာတီးပြာယာနိုင်တဲ့အခြေအနေကို သူမကြုံဖူးဘူးမို့။ခွဲခန်းထဲ တခြားဆရာဝန်တွေရဲ့ အကူလုပ်ရင်း ဝင်ဖူးတာ ၉ကြိမ်ခန့်မျှရှိပြီဖြစ်သော်လည်း ခွဲစိတ်ခန်းဆိုတာ သူ့အတွက် ရိပေါ်လေးလို တစ်သက်လုံးမရိုးသွားစေနိုင်တဲ့အရာတစ်ခုပဲ။
YOU ARE READING
Dear My Life...
FanfictionDear My Life, I love you. By the way, I was made for loving you. This is all for now.The only thing is that I love you. With best loves. ...