ပြောရမယ်ဆိုရင် သေချာပေါက်အလွဲတွေပဲပေါ့။ အလွဲများနဲ့ည ဆိုပြီးနာမည်ပေးရင်တောင် မမှားလောက်မယ့်ညတစ်ညပဲ။
သိတဲ့သူသိမှာပါ..နူးနူးညံ့ညံ့ နှုတ်ခမ်းသေးသေးလေးနဲ့ နှာတံလုံးလုံးလေးရဲ့ ထိတွေ့ခြင်းကို ခံစားလိုက်ရတဲ့သူဟာ ဘယ်နည်းနဲ့မှ စိတ်နဲ့ကိုယ်ကပ်နိုင်မှာမဟုတ်ဘူး ဆိုတဲ့အကြောင်း။ သေချာပေါက် သူလည်းဒီလိုပဲပေါ့။
ဒါကိုနားမလည်တဲ့ ကျိုးချန်က သရုပ်ပြပွဲမှာ အမှားလုပ်မိခဲ့တဲ့သူ့ကို ဆူတယ်။
သူအမှားအများကြီးမလုပ်မိခဲ့ပါဘူး ပြောရမယ့်စကားတွေ အားလုံးကိုမေ့ခဲ့မိရုံလေး။ ဒါပေမဲ့ သူပွဲပျက်အောင်တော့ မလုပ်ခဲ့ဘူးလေ ။
သူရသလောက် ဇာတ်ကောင်နဲ့ ညီအောင် သရုပ်ဆောင်ခဲ့တာပဲ။လောကကြီးကလူတွေကအဲ့လိုပဲ၊ ရှုတည်တည်နဲ့ ရည်းစားစကားပြောသွားတဲ့ ကောင်လေးလောက် ဘယ်သူကမှ အကောင်းမမြင်တတ်ကြဘူး။
သရုပ်ဆောင်ပွဲပြီးတဲ့နောက်တောင် သူဟာရိပေါ်ကိုကောင်းကောင်းတောင်စကားမပြောရပါဘူး။ ခရားရေလွှတ်သလို တတွတ်တွတ်နဲ့ဆူနေတဲ့ ကျိုးချန်ကြောင့် သူများမိမိအဖွဲ့မှာငြိမ်ငြိမ်လေးထိုင်နေခဲ့တဲ့ ရိပေါ်ကိုလှမ်းကြည့်ရုံလေးသာတတ်နိုင်ခဲ့တယ်။
သူလည်းသူ့အမှားမို့ထိုင်နားထောင်ပေးခဲ့ပါတယ်။ တကယ်မမှတ်ပေမယ့်ပေါ့။ပွဲပြီးတော့ ဆုကြေငြာတဲ့အခါမှာ ပထမဆုကို သေချာပေါက် သူ့ရဲ့အသစ်စက်စက် ချစ်သူလေးပါတဲ့အဖွဲ့က ဆုရခဲ့ပါတယ်။ ရှိတာမှ အဖွဲ့ ၆ဖွဲ့တည်းကို ဒုတိယနဲ့ တတိယမှာတောင် မပါခဲ့လို့ ကျိုးချန်က ဆူပုပ်ပြီး သူ့ကိုတဂျီဂျီနဲ့ ဆူနေတာကလွဲရင် ကျန်တာအားလုံးက ကြည်နူးချင်စရာပါပဲ။
ကျိုးချန်ကိုတော့ အပြစ်မပြောနိုင်ပါဘူးလေ၊ ဒါကလည်း ကိုယ့်အမှားပဲဟာ။
"ကျန့်ကော..."
ပွဲပြီးလို့ လူတွေအားလုံးနီးပါးရှင်းသွားတော့မှ သိသိသာသာမျက်နှာရဲနေတဲ့ ရှုတည်တည်နဲ့ ကောင်လေးတစ်ယောက် ပစ္စည်းတွေသိမ်းနေတဲ့သူ့အနားကို ရောက်လို့လာတယ်။
YOU ARE READING
Dear My Life...
FanfictionDear My Life, I love you. By the way, I was made for loving you. This is all for now.The only thing is that I love you. With best loves. ...