Suggest song-Put Your Head On My Shoulder
By PAUL ANKA
^^^^^^^^
ကျန့်ကော အနားနားသာနေနေရရင် ကျွန်တော့ရဲ့အကြားအာရုံက ပိုလို့တောင် ကောင်းလာသလို။ ဟိုအဝေးကြီးက ငှက်ကလေးတွေရဲ့မြည်တွန်သံကစလို့၊
အနီးအနားကပိုးကောင်လေးတွေ လမ်းလျှောက်သံကိုပါကြားရတယ်။ သစ်ရွက်လေးတွေရဲ့ တွန်းတိုက်သံ ၊ နာရီလေးက တစ်ချက်ချက်မြည်သံ...အစုံပဲကျန့်ကောရယ်။ ဒါတွေက ကျန့်ကောရဲ့အသက်ရှုသံလေးအပေါ် အာရုံစိုက်မိရင်းဖြစ်လာတာဖြစ်မယ်။
ဒီ့ထက်ကတော့ ကျွန်တော်က သံစဉ်တွေနဲ့ ပိုစည်းဝါးကျလာတာပဲ ကျန့်ကောရဲ့...။
သီချင်းလေးတစ်ပုဒ်ကို နားထောင်မိလိုက်တာနဲ့ ပြေးမြင်တတ်တာက ကျန့်ကောပဲမို့ သီချင်းသံစဉ်တွေက ကျွန်တော့်ရဲ့ ခံစားရာဖြစ်လာတယ်။
ကျွန်တော့်ရဲ့အရာရာက ကျန့်ကောကြောင့်ပဲဖြစ်တည်လာတာနော်။
ဒါတွေကို ကျန့်ကောသိအောင်ထုတ်ပြောပါဦးမယ်။
-----------------------
"ခဏလေး..."
ကျန့်ကောကပြောပြီးတာနဲ့ လှည်းဆိုင်လေးဆီအပြေးသွားတယ်။
ရိပေါ်ကနောက်ကနေမှဖြေးဖြေးချင်းလိုက်သွားတဲ့အခါ ရိပေါ်ရောက်တော့ ကျန့်ကောက မုန့်တွေတောင်မှာပြီးနေပြီ။
ဆိုင်မှာရောင်းတာတွေက ငါးအသားပြားချောင်း၊ တော့ပိုကီ၊ ကြက်ဥလမုန့်၊
ဖက်ထုပ်ကြော်/ပြုတ်၊ ခေါက်ဆွဲကြော်၊ ရေခဲမုန့်နဲ့ အအေးမျိုးစုံတို့ ဖြစ်တယ်လို့မြေဖြူဆိုင်းဘုတ်လေးမှာ လက်ရေးဝိုင်းဝိုင်းလေးတွေနဲ့ ရေးထားတယ်။
လတ်လတ်ဆတ်ဆတ်မုန့်တွေကိုကြည့်ရင်း ကျန့်ကောဘာမှာလိုက်လဲမသိပေမယ့် ကျန့်ကောအတွက် ထပ်ဝယ်ပေးဖို့ စိတ်ကူးရလာတယ်။ အိမ်ရောက်ရင်စားလို့ရအောင်ပေါ့။ တစ်ယောက်တည်းနေတဲ့ကျန့်ကော အစားအသောက်ကိုဂရုမစိုက်ဘူးဆိုတာ သူသိနေပါတယ်။
"ဦးလေးကြီး ငါးအသားပြား၂ချောင်းနဲ့ ဖက်ထုပ်ပြုတ် ၂ပွဲပေးပါ"
"ဟင် ရိပေါ်...ကိုယ်မှာပြီးသားလေ"
"ကျန့်ကော အိမ်ရောက်ရင်စားဖို့"
YOU ARE READING
Dear My Life...
FanfictionDear My Life, I love you. By the way, I was made for loving you. This is all for now.The only thing is that I love you. With best loves. ...
