မနေ့ကအဖြစ်အပျက်ဖြစ်ပြီးနောက်ပိုင်း သူဂျောင်ကုကို မျက်စိရှေ့မှ လုံးဝအပျောက်မခံနိုင်တော့ပါ။
အခုဆိုလျှင် ဂျောင်ကုက စာတွေကိုကောင်းကောင်းရေးတတ်အပြင်
ပုံတွေပါမထင်ရင်မထင်သလို
ဆွဲနေသေးသည်။
မျက်စိရှေ့မှ တကုတ်ကုတ်
စာရေးနေသော ဂျောင်ကုသည်
မနေ့ကကြောက်စရာကောင်းသော
အကောင်ကြီးအဖြစ်
ပြောင်းသွားသည်မှာ
ယုံဖွယ်ရာ တစက်ကလေးမှမရှိ။
''ဂျောင်ကု...''
စာရေးနေရင်းမော့ကြည့်သည်..။
''မင်းဗိုက်ဆာပြီလား
ထမင်းစားတော့မလား...''
မဖြေဘဲ ထရပ်ပြီး
မီးဖိုချောင်အခန်းထဲသို့ ဝင်သွားသည်။
'ဘာဖြစ်လို့ပါလိမ့်'ဆိုပြီး လိုက်ကြည့်တော့ ကျွန်တော့်အတွက်ရော
သူ့အတွက်ပါ ထမင်းခူးနေလေသည်..။
ဒီလိုမျိုးအလိုက်သိတတ်တဲ့ဂျောင်ကုက ဝံပုလွေဆိုတာကိုသာ လူတွေ
သိသွားရင် ဘယ်လောက်တောင်
အမုန်းခံလိုက်ရမလည်း..။
စားပွဲတွင်ထိုင်ကာ ဂျောင်ကု
ယူလာမည့်ထမင်းပန်းကန်ကိုသာ
စောင့်နေမိသည်။
အချိန်အနည်းငယ်ကြာသည့်အခါ ဟင်းပါတစ်ခါတည်းပုံထားပြီးသား ထမင်းပန်းကန်ကို
ကျွန်တော့်ရှေ့ချပေးသည်..။
ပြီးမှ သူကလည်းမျက်နှာချင်းဆိုင်တွင် ဝင်ထိုင်သည်..။
ဂျောင်ကုကိုလူတွေမုန်းသွားမှာကို ကျွန်တော်မလိုလားဘူး..။
ဒီလိုမျိုး ဘာမှမသိတဲ့ဂျောင်ကုကို
လူတွေအကုန်လုံးက ဝိုင်းချစ်ပြီး
ကူညီပေးစေချင်တာ..။သူသာ ဝံပုလွေမှန်းသိသွားလို့ ရွာကလူတွေက
ဒီရွာကနေနှင်ထုတ်ရင်
ဘယ်လိုလုပ်မလည်း။
ဘာမှမသိတဲ့ငါ့ရဲ့ဂျောင်ကုက
ရွာအပြင်မှာဘယ်လိုမျိုးနေမှာလည်း။
အတွေးနဲ့တင်ကို
ရင်ထဲမှာတစ်မျိုးကြီး။
စိတ်မကောင်းဖြစ်မိခြင်းနှင့်အတူ တစ်ဖက်မှလည်း ဂူဒုံဂျူဆိုသည့်လူကို အမှုန့်ကြိတ်ချင်မိသည်..။
ထမင်းကို အခုထိ လုံးဝမထိဘဲ အတွေးပေါင်းစုံဖြင့်
ယောက်ယက်ခတ်နေသည့်
ကျွန်တော့်ကို ဂျောင်ကုက
မြင်သွားသည်ထင် သူ့ပန်းကန်ထဲမှ အသားတုံးကို ကျွန်တော့်ပန်းကန်ထဲထည့်ပေးသည်..။ဂျောင်ကုက ကျွန်တော်ထမင်းမစားတာသည်မှာ ပန်းကန်ထဲတွင်
အသားတုံးသိပ်မပါလို့ဟု ထင်နေပုံ..။
YOU ARE READING
My Wolf ( Completed )
Fanfiction"မင်းဘာသာ သမန်းဝံပုလွေမကလို့ ဘာကောင်ကြီးပဲ ဖြစ်နေဖြစ်နေ ငါဂရုမစိုက်ဘူး ဂျောင်ကု...'' ''မင္းဘာသာ သမန္းဝံပုေလြမကလို႔ ဘာေကာင္ႀကီးပဲ ျဖစ္ေနျဖစ္ေန ငါဂ႐ုမစိုက္ဘူး ေဂ်ာင္ကု...'' Taekook♥ Top-kook Bottom-tae
