Unicode
Baekhyun အနေရခက်၍ ဘာစကားဆက်ပြောရမှန်းမသိ ဖြစ်နေစဥ်မှာပင် ကံကောင်းထောက်မစွာ အဒေါ်ကြီးက နေ့လည်စာစားရန် အသင့်ဖြစ်ကြောင်း လာပြောတော့သည် ။
ထိုအခါမှ Chanyeol ကလည်း အခြေအနေကိုထိန်း၍
ရယ်မောကာ စကားစမြည် ဆက်ပြောလေ၏ ။' ကျွန်တော်တို့လည်း မနက်စာအများကြီး မစားထားတော့
ဗိုက်ဆာနေပြီ .. သွားရအောင်လေ ဦးလေး ..
လာ Baekhyun ရောထ .. '' အင်း အင်း ဟုတ်တယ် ...
နေ့လည်စာ အရင်သွားစားရအောင်နော် ...
ပြီးမှ စကားဆက်ပြောကြမယ် လာ ... 'Baekhyun သည် ချောင်းအသာဟန့်ကာ
မျက်နှာကို ခပ်တင်းတင်းဖြစ်အောင် ပြင်ရင်း
ထမင်းစားခန်းထဲသို့ ဝင်သွားတော့သည် ။
Chanyeol နှင့် ဦးလေး တို့မှာလည်း တစ်ယောက်မျက်နှာ
တစ်ယောက်ကြည့်ကာ သက်ပြင်းချရင်း မင်ဟျွန်း ကိုပါ
ခေါ်၍ အတူလိုက်ဝင်လာခဲ့၏ ။' ကဲ ... Chanyeol နဲ့ သား က အဲ့ဖက်မှာ ထိုင်လိုက်နော်
မင်ဟျွန်း သားက ဒီဖက်လာ 'တစ်ချိန်လုံး Baekhyun ကိုသာ လိုက်ကြည့်နေသော
ကလေးကို ဦးလေးက လက်ကနေ အသာဆွဲကိုင်ကာ
ခေါ်ရင်း သူ့ဘေးနားကို ထိုင်စေခိုင်းသော်လည်း
လုံးဝ မလှုပ်မယှက်ပင် ရပ်နေလေသည် ။ကြားနေရသောအသံများကြောင့် Baekhyun
တစ်ချက်ခိုးကြည့်တော့ သူ့ကိုတစ်ချိန်လုံး စိုက်ကြည့်နေသော
မင်ဟျွန်းနှင့် အကြည့်ချင်းဆုံသွားရသည်မို့ ကပျာကယာပင်
ပြန်လွှဲလိုက်လေ၏ ။သို့သော် မင်ဟျွန်းသည်ကား Baekhyun သူ့ကို
ထိုကဲ့သို့ ကြည့်သည်ကိုမြင်ပြီးသည့် ချက်ချင်းတွင်ပင်လျှင်
ကိုင်ထားသော အဖေ၏လက်ကို ဆွဲဖြုတ်၍
ချက်ချင်းပြေးသွားကာ Baekhyun ဘေးကခုံပေါ်
ထက်ထိုင်လေသည် ။Baekhyun သည်သူ့ဘေးနားက ခုံတွင်ထိုင်၍
သူ့ကို မော့ကြည့်နေသော ကောင်လေးအား ကြောင် အ စွာပင်ကြည့်ရင်း ဘာစကားတစ်ခွန်းမှ မဆိုနိုင်ခဲ့ပေ ။ဦးလေးနှင့် Chanyeol တို့မှာလည်း တစ်ယောက်မျက်နှာ
တစ်ယောက်ကြည့်ကာ Baekhyun တစ်ယောက် ဒေါကန်၍
မဆဲဆိုရန်သာ ဆုတောင်းရတော့သည် ။