Owned By Him

Chapter 12

Chapter 12
________

"What are they doing here?" malamig na bigkas nang kaniyang Asawa na siyang bumasag sa katahimikan. Napatingin silang lahat dito.

Kahit siya man ay sobrang nagtataka. Anong nga bang ginagawa ni Stephanie sa bahay nila at bakit ngayon pa kung kailan nagsi celebrate sila nang Graduation niya. Akala niya para lang sa kanila ang gabing ito pero bakit nandito ito? At kailan pa ito naging close sa Mommy Lea niya?

"Son, don't be so excited. Later I'll tell you the reason why." ngumiti ang ginang sa anak. Bakas ang tuwa sa mukha nito pero kung si Xiarra ang tatanungin. Hindi siya natutuwa.

Hindi niya pa din nakakalimutan ang nangyari last week kung saan nasobrahan sa kapal ang pagmumukha ni Stephanie para ipangalandakan sa kaniya nang harap-harapan na fiance nito si Phoenix.

Tumalim lang ang tingin nang asawa pero hindi na ito nagsalita pa. Ipinagpatuloy nalang nila ang pagkain kahit na tuluyan na siyang nawalan nang gana.

Kinakabahan siya. Hindi niya alam kung bakit.

Dapat ay masaya siya dahil sa wakas Graduate na siya at mamaya sana ay plano na nilang sabihin sa mga magulang nito ang tungkol sa pagpapakasal nila kahit na biglaan. Alam niyang magugulat ang mga ito pero umaasa pa rin siya nang magandang resulta.

Pero ngayon, hindi niya na alam ang nangyayari.

Tanging tunog lang nang mga kubyertos ang naririnig. Walang nagtangkang magsalita at hindi niya alam kung siya lang ba ang nakakaramdam nang awkward. Lalo na nang masulyapan niya ang Kapatid ni Stephanie na si Stephen na nakatitig sa kaniya.

Ilang minuto pa ang nakalipas at sa wakas ay tapos na silang kumain. Nailigpit na nang mga katulong ang pinagkainan nila at kasalukuyang nasa harapan nila ang isang klase nang French dessert na ginawa ni Manang Rosie.

Hindi niya pa iyon tinitikman. Kung tutuusin ay wala siyang gana. Kakaunti lang nga ang kinain niya kanina dahil pakiramdam niya ay hindi niya kayang kumain habang nakikitang masayang kumakain Si Stephanie sa harap niya. Ito pa nga ang naglalagay nang pagkain sa plato nang asawa niya.

Gustohin niya mang gawin iyon para sa asawa ay hindi niya magawa. Walang nakakaalam na kasal sila. At iyon ang masakit.

"I know nabigla kayo Phoenix, Xiarra iha kung bakit may bisita tayo ngayong gabi na dapat ay private dinner lang nating pamilya." panimula nang Mommy Lea niya na ikinabaling nila dito.

Pansin niyang kanina pa hindi nagsasalita ang Daddy Edward niya. Tahimik lang ito simula kanina na hindi na din naman niya pinagtakhan dahil hindi naman talaga ito palasalita. Dito nga nagmana si Phoenix.

"Napaka special kasi nang araw na ito para sa pamilya dahil sa wakas ay Graduate na din si Xiarra." bumaling sa kaniya ang nakangiting ginang "Congratulations Iha, we are so proud of you." malambing na ani nito na siyang ikinangiti naman niya.

"Thank you Mommy." ani niya na ikinatango nito.

Bumaling ito sa lahat. Isa-isa sila nitong tiningnan bago nag seryoso. Doon na siya kinabahan.

"Hindi na ako magpapaligoy-ligoy pa. Kaya nandito sina Stephanie ay dahil magiging parte na din naman sila nang family natin. Hindi nga lang makakarating ang Daddy niya dahil may emergency itong pinuntahan but anyway I have a good news to all of you." tumingin ang ginang sa nakangiting si Stephanie.

"I am glad to tell you that Phoenix and Stephanie are soon to be a husband and Wife and we are now expecting my very first grandchild because Stephanie is Pregnant." masiglang ani nang Ginang na siya ikinabigla niya nang lubos.