HE Is My Boy Friend

بارت 17🌼🌻

فطن سفيان كي عادة ..هبط لقى صفية توجد في قهوة و باباه و سي خير دين معاه ....
سفيان :" صباح الخير عليكم
ردولو :" صباح نور ...
ريح معاهم غااايس ..
صفية :" خير ان شاء الله وليدي ..
سفيان خزر فيها و تبسم ...
سفيان:" خير خير يما ...مازال ما فطنت روان ؟
صفية :" مازال بالاك من فرحة تاع دار لي والات رقدت مليح...
تبسم و شعل تيليفون لقى مساج من عندها.. غير قراه وقف ...و خرج من عندهم طلع يجري لبيتو ..
مافهموا والو عيطولوو عيطولو والو..

لبس و خرج ديركت لدار روان....كان حاب يشوفها و يتاكد راهي مليحة..كيفاه خرجت في نص ليل ؟ لوكان كشما صرالها ...زعما هربت منو.. الف سؤال دار في راسو ..كان مركز مع طريق يجري ..حتى تدخل فيه طونوبيل من حيث لا يدري من تفرفيش طلق الفولون ..و دارت طونوبيل خبطت في حيط ..كانت ضربة خفيفة بصح دوخااتو..طونوبيل لي دخلت فيه هربت و ناس بدات تتلم عليه..هو راسو قاسو كان مصروع يشوف غير في ناس و لعياط ما فهم فيها والو و ماقدرش حتى يتكلم .....حتى لحقت لامبيلونس..
....
....
....
.......
................
عند روان
كانت خرجت من دوش و تلبس في حوايجها..ناوية تولي لدار سفيان قال تكوف روحها كيلي خرجت هذاك صباح برك و والات باه يماها و باباها ما يقولوا والو ..علابالها سفيان مايقول والو... بصح سور تقلق يعني ما خمتش كامل في نتائج فعل تاعها...

روان :" زعما يكون بات هنا ؟

على ايهاب لي كان والا لدارو مور لي شراها مع بريتني جوست مور ما راحت روان خرج و غلق كلش.....دخل لبيرو تاعو باااه يشرب يشرب حب يسكر و ينسى كلامها فتحلوا جرح اكبر من جرح ميهوك لزورو 🙄....
روان خرجت تجري ديجا راهي 8:30 ..سور ناضو و دوك ما يلقاوهااش ديماراات
روان :" مزيا طريق مفتوحة ليوم ..قال نلحق.ب...
ماجات تكمل حتى تشوف لامبيونس و شعب داير باينة أكسيدون....غمضت عينها... روان :" دااااك زهر ...!!!
كي قريب تلحق لجيهتهم بوليس بدا يوجه فيها و كامل طونوبيلات يبدلو طريق باه ما بعطلوش لامبيلونس...(نورمالمون علابالكم شكون دار اكسيدون لتم 🙄!)
لحقت لدار سفيان ڨاراات لتحت و قعدة تخمم في كاش كذبة تقولها باه ما يفيقوش...
حتى شافت لباب تحلت هبطت تجري..قابلها باباها و سي حكيم ..
استغربوا كي شافوها داخلة ..
خير الدين :" وين كنتي صباح ربي ؟؟
روان :" صباح لخير بابا لعزيز ..فطنت بكري خرجت ضربت طلة على دارنا و وليت ...
تبسمت و شافت في سي حكيم ..
خير الدين :" يماك و سناء ناضو و راهم يلمو في دوزان يالله دخلي عاوني باه نفروها بلخف ..
روان :" اووكي
دخلت تجري سلكت منهم بقى سفيان كيفاه تواجهو لوكان غير ما بعتتش مساج هذاك .. لوكان ولات و ما فقش بصح طفرت...
يماها كانت ترفد في حوايجهم...
روان :" خلي عليك دوك نفريها...
صفية :" صاحا نووم..اصبري ماكنتيش راقدة (شافتها بجوايجها تاع خرجة و باسكات)
تبسمت روان :" خرجت صبااح فطنت بكري يا لعزيزة...
راحت باستها و يماها تضحك...
صفية :" و انا قلت لسفيان راهي راقدة و نتي هاملة
روان:" دوك نطلع ليه..
صفية:"سيد عندو..
سناء زدمت لبيت طايرة بالفرحة :" اونفااان نولوا لدارناااا
قفزو و شافو فيهاا
روان:" هذي كامل فرحة ؟
سناء :" بيانسور كرهت تمرميد قال تولي حياتنا كيما كانت..و تعيشو خلونا نعيشوا بسلام ...
روان تضحك :" اوكي مولاتي سمحيلنا ديرونجيناك بمشاكلنا ...
سناء:" أممممم نخمم في موضوع السماح و نردلك...
روان :" واقيل امنتي روحك نوضي هبطي الكابات يالله ...لالة تكسلت من نيتها...