ليوم ويكاند غدوة يولوا للهم تاع الشريكة جازو يمات على هدرتها مع مارك .....و باين حاجة ما تبدلت و لي قهرتها كانت زيادة في هذيك شريكة أيا اجتماع والا خدمة تكون هي ماشي معنيا بيها. ....
........
كانوا قاعدين كامل في صالون يڨسروا حتى صونات الباب ناضت سناء تحل ...تقول دار باباها...
حتى سمعوا صوغة تاعها ناضوا يجروا ليها ...غير لحقوا للباب يبسوا !!
روان مافهمت فيها والوا...شافت في سفيان لي كان مشوكي هو تان ...
روان :" ب..با..بابا !!!!!
سي حكيم و خير الدين عند الباب و معهم زوج رجال ...تبسموا و نطق خير الدين:" واش ما ترحبوش بباباكم. ..
جرات سناء و روان لباباهم يعنقوا و سفيان لحكيم ...
صفية :" الحمد لله ..الحمد لله ياربي
سلموا على بعضاهم وودخلوا كامل لصالون ...
روان :" بصح بابا ..كيفاه ؟
خير الدين شاف في محامي لي جا معاه :" finalement مكاين حتى تهمة ضدنا ...
حكيم :" غلطة و نسالوهم تعويضات كبار ...دولة راح ترد كامل ممتلكات تاعنا و بالزيادة ...
سفيان :" و الشريكة كيفاه ؟!
حكيم هبط راسوا و قال :" هذيك المشكل لكبير
روان :" حاب يقول مانقدروش نردوها مدام تباعت في مزاد و خلاص ..يعني حتى تعويض مايشملهاش!! ؟
محامي :" أنعم سورتوا مع لي والات من ممتلكات رجل أعماله ذو جنسية أجنبية ...لازم يتنازل سينون يعوضوه تريبل واش خسر ...
سفيان :" مستحيل يتنازل و دولة مستحيل تعوضلوا
دار يدوا على راسوا
سكتوا كامل ...
صفية :" و الحزن هذا علاه !! فرحتي كي عاودنا تلايمنا فااقت حدود حمد لله
خير الدين تبسم معاها ..
صفية :" علابالي كلش يبان خلاص و مكاش حل بصح كيما سلكتوا من حبس راح تلقاو حل و تردو الشريكة و تعوضوا كلش ..سفيان و روان راهم يديروا في مستحيل باه يردوها و أنا علابالي بلي يقدروا !!
روان حست بتفاائل و تحفيز من هدرة يماها ...
روان :" و تبقى آخر حاجة نديرها في حياتي راح نردها ...
حكيم :" هدرة ساهلة بنتي ...مكاااش حل شراها بطريقة قانونية و مصادق عليها ...
خير الدين:" نعاودوا من زيروا ؟؟
سفيان بصوت حزين :" تعبنا فيها بزااف ...نعاودوا من زيروا غلطة تان قادرين يدمرونا و ثقة تاع كامل مستثمرين خسرناها ...
روان بلعياط .. :" و نزيدوا نتعبوا سفيان !!! ماتفشلش و تفشلنا معاك ..توجوغ كنت نتا لي توقف عند راسي و ديرلي كوراج حتى نجحنا دوك انت راك تقول هاكا !!! علاه شكون كان معانا من لول بخدمتنا لي كسبنا غاشينا نسيت !!
أنت تقرأ
HE Is My Boy Friend
Romance🇩🇿كرونيك بلهجة الجزائرية 🇩🇿 قصة حب باينة ♪ \\(^ω^\\ ) للبطلة روان و حكايتها مع أعز صديق لها، راح تطور الاحداث و تتغير حياتها، و تجمعها بحب حياتها في دار وحدة. الرواية ذات طابع رومنسي ♡♡
