جون :" صح... و الله خلعتيني.. شوفي كيفاش راني نرعش...
جبد تيليفون و قالها :" شدي و بركاي من سمير...
روان :" ايهييييه لالا امشي روح معااااك لدار خير... ماتحشمش نتااا... و بلا سمير... وجهك مطلس يااا حبيبي...
جون تبهدل لي يجوز يشوف فيهم...
جبدها ليها حتى لسقت فيه... خبرها في وذنهااا
جون:" من لخر هذا تيليفونك طاحلك جيت نردهولك.. كليتيني
يبصت في بلاصتهاااا حست سخانة طلعتلها لوجها دناا عليها و شاف وجها لي كان حمر من الحشمة..بدا زعما يحوس على حاجة..
جون :" خير.. وين راه.. وين راه لسااانك لي طويل عليك... هذا حق خير يا بنت ناس... لي يهدر معاكم معنتها تبلاكم و تاكلو روحكم.. وشبيك؟؟
طلعت عينها شافت فيه عينيها تعمرو دموع بسكو حشمها .. سكت و شااف فيها..
جون بدا يتلعثم:" و.. وشب.. وشبيك.. ما.. ماتقوليليش حا تبكي..
ماكملهاش بدات تشهق هو تبانيكا..
جون :" سمحيلي.. سمحيلي.. بصح علاه اكي تبكي...
ناس بداو يتلمو عليهم شدها من يدها و بدا يمشي فيها و هي تسيي تحبس شهقة بصح ما قدرتش.. لحقو لواحد طونوبيل بيضة حبس و قالها...
جون :" وين تحبي نوصلك..
هزت براسها لالا
جون :" مانيش نقول اذا نوصلك هذيك مفروغ منها... حل الباب و دخلها حتى هي راهي بعيدة على دار و لازم تولي
ركب و قالها :" ايهيه.. وين؟
روان :" حطني كيما لاري تاع سبيطار من لتم قريبة لدارنا
جون :" داكور..
سكتو لزوج هي دورت راسها لتاقة.. هذي اول مرة تركب مع واحد غير ايهاب احساس غريب... و كي يروح كيفاش؟
دارت شافت مع جون لي كان عينو على طريق
روان :" س.. سمحلي طرت فيك بلا سبة
شاف فيها و تبسم و يااه ڨلبي داك فوساات
جون :" C po grave سووء تفاهم.. حتى انا ماكنش قصدي نبكيك
روان :" ماشي بسبتك.. تقدر تقول قلبي راه معمر
جون:" امممم فهمتك
سكتو و كملو طريقهم كي وصلو للاري و جات هابطة
جون :" اصبري.. على أقل قوليلي أسمك...
تبسمت و قاتلو :" روان...
هبطت و راحت و هو ديماراا
دخلت لدار مورااال زيرو جات طالعة لبيتها عيطتلها يماها لي كانت في كوزينة..
صفية :" روان بنتي هذي نتي؟
روان :وي تحتاجيني...
راحت ليها كانت مع سناء طيب
صفية :" نحتاجك ليوم جايينا ضيااف على لعشا ..باباك عيط حايجيب شريك تاعو الجديد ...
روان :" وي قالي بابا ...
روان لتات مع توجاد و عاونت يماها تسڨم الحالة وووو
★★*★★*★★*★★*★★
ايهاب حوس دنيااا عليها برة مي ملقاهاش.. ركب و راح لدارهم كي لحق ما جرأش يطبطب اول مرة تهدر معاه هاكا زعما من خوفها ؟ والا حباتو صح يروح؟ مئة سؤال يدور في راسو... حتى فطنو صوت سكريتير تاع باباه
YOU ARE READING
HE Is My Boy Friend
Romance🇩🇿كرونيك بلهجة الجزائرية 🇩🇿 قصة حب باينة ♪ \\(^ω^\\ ) للبطلة روان و حكايتها مع أعز صديق لها، راح تطور الاحداث و تتغير حياتها، و تجمعها بحب حياتها في دار وحدة. الرواية ذات طابع رومنسي ♡♡
