لحقت و هبطت ليه ركعت قدامو و بدات تعيط و تصوووووغ ...
روان :' انت لعنة ...انت لعنة !!! لعنة دمرت حياتنا كامل ! ما رتحت في حياتك والا موتك ...
بدات تضرب في لرض و تبكي فقدت السيطرة على روحها ..
روان :" واش ذنبي أنا ؟ علاه راني نخلص ؟ واش ذنب سفيان و دارنا فهمني واش ذنبنا .....إيهاب خسرتو بسبتك نتا ..كنت كي مستنقع لي يعيفوه كامل الناس هكاك و جبدت ليك إيهاب ..كان حلمنا نبنو شريكة نبدوها من زيرو و ننجحو نفوتو باباه و نبانو و و و و كلش رجع رماد .. دمرت كلش ....كلش راااح بسبتك نتا ...الله يلعنك الله يلعنك !!!
قعدت تعيط و تخبط في لرض
🍂🍂🍂🍂🍂🍂🍂🍂🍂🍂🍂🍂🍂🍂🍁🍁🍁🍁🍁
صونا تيليفون ريبوندا
مارك :" ماذا هناك ؟
بيل :"هي الان بجانب قبر الراحل جلال في حالة يرثى لها ...
وقف من بلاصتو
مارك بلعياط :" ماذا ؟؟!
بيل :" ماذا علي فعله سيدي ؟
مارك رفد مفاتحو و خرج ..:" ابقى مكانك انا بطريقي إليها ...
كوبا و بيل و قعد واقف عند طونوبيل يشوف فيها لا رحمة لا شفقة ...
بعد مدة سكتت و قعدت في لرض تشوف في قبر جلال و تبكي بلا صوت ..خرجت كلش..... ضغط تاع سنين خرجاتو ...
لحق مارك راح بيل ليه و شرلو عليها كانت في لرض قاعدة حالتها حالة ...
راح لجهتها و وقف موراها
مارك :" ماذا تفعلين هنا ؟
تبسمت و شافت فيه بنص عين ...
روان بدات تضحك :" راه جا ..عمرو طويلة ماراحش تخلاص .. أهلا أهلا ايهاب ..كونا نتفكرو يماتنا ..
مارك :" قفي و دعكي من الكلام الفارغ ...
روان :" شفت قتلك والا كلامو بايت شوية بصح ينجاز ..( و تضحك )
مارك بلعياط :" قفي !!!
روان :" داكور داكور !!
وقفت و دارت ليه حتى تشوف دنيا كااامل دور بيها و بدات تفقد توازنها ..وجات طايحة ...برد فعل غير ارادي دنى ليها يجري قبل ما طيح و شدها ..
شاف فيها هكاك تقول ميتا قلبو تقبض ..رفدها بين يديه و راح جيهة الطونوبيل ...
فتحلو بيل الباب و خلاه ركب معاها ...و هو راح يسوق بيهم ...
مارك كان شاد روان في حضنو بعد 5 سنين ..حس بهذا الدفء غمض عينيه و زير عليها بين يديه
بيل كان يشوف فيه من مرايا ..امبعد نطق
بيل:" الى أين سيدي ؟
مارك :" بيتي الخاص !
بيل :" حاضر
كمل غمض عينيه و دنى شم شعرها و تبسم
ايهاب:" نفس ريحة !! ااااه
بيل:' نعم سيدي ؟
مارك :" اتصل بطبيب فور وصولنا !
بيل :" حاضر!
لحقو لدار خرجها ايهاب و داها لبيتو حطها فوق فراشو و شاف حالتها مدربلة
مارك :" هل اتصلت بطبيب ؟
بيل :" نعم سيدي ..
مارك :" ماذا حدث ...
بيل :" خرجت من منزل سيد سفيان في حالة سيئة ثم انتقلت مباشرة نحو قبر الراحل جلال ...كانت تبكي و تصرخ لمدة قبل مجيئك سيدي!
مارك :" حسنا ...يمكن أن تخرج ... انتظر قدوم الطبيب و رافقه الى هنا
بيل :" أمرك سيدي ..
بقى معاها في البيت طاحت عينو على يديها كانو معمرين تراب و دم ..راح جاب طاسة ماء و سربيتا و مسحلها يديها .. رومركاا مكاش الخاتم ..فهم واش صرا
ايهاب :" يعني سنين هذي نتي لي تهليتي في قبر جلال ؟ و هذا واش صرا فيك كي بعدتي على هذاك !!
بعد عليها و جبد كرسي و ريح مقابلها ...
YOU ARE READING
HE Is My Boy Friend
Romance🇩🇿كرونيك بلهجة الجزائرية 🇩🇿 قصة حب باينة ♪ \\(^ω^\\ ) للبطلة روان و حكايتها مع أعز صديق لها، راح تطور الاحداث و تتغير حياتها، و تجمعها بحب حياتها في دار وحدة. الرواية ذات طابع رومنسي ♡♡
