مور ما خرج طبعت بريتني الباب و شافت في روان لي كانت واقفة تسب في ايهاب
بريتني :" تشعرين بتحسن ؟
شافت فيها روان مستغربة راهي توو نايس to nice
روان :" نعم ..يمكنك المغادرة
وراحت قعدت فوق البونك ..
بريتني شافت فيها لمدة امبعد قعدت قدامها ...
بريتني :" لم أقصد ذالك ..اممم كيف أقول ذالك ..لقد حلمتي بكابوس ! و بدا واقعيا جدا لذالك حصل ما حصل ..لا شيء سيأذيك أبدا ...
روان :" لماذا انت لطيفة معي !!
بريتني دورت راسها جهة الباب ...:" عندما توفيا والديا لاحقتني كل أنواع الكوابيس ..حسنا لقد كنت صغيرة جدا لكن كنت خائفة من النوم !
روان سكتت و شافت في عينيها لي كانو معمرين دموع !
روان :" أنا حقا آسفة لخساراتك ...
بريتني :" لابأس ...لكن تعافيت بفضل عمي العزيز و انا الان بخير و قوية أضعاف على ما كنت عليه ..
روان :" أتمنى لو اتخطى هذا أيضا
حطت بريتني يدها على يد روان
بريتني :" ستفعلين لا تقلقي .....الان اخلدي الى النوم ...انا هنا لن أغادر ...
روان :" ش..شكرا ...
تكات روان و تكات قدامها بريتني حتى داتهم عينهم و رقدو ..
......
فطنت صباح لقات بريتني راقدة معاها
طفلة هذي تلعب على مورال بصح لبارح كانت بزاف خايفة على روان ! لدرجة بقات معاها ليل كامل و فتحتلها قلبها ...
روان :" فينالمون المظاهر صح خداعة ..
ناضت غسلت وجها و مشطت شعرها ...سڨمت روحها و خرجت ..ما كانتش بريتني لتم ...خرجت حتى يقابلها ايهاب لي كان خارج من بيتو ...هبطت عينيها و جات مولية
مارك :" حضري نفسك !
روان؛" لواش ...
مارك :" سأخرج و لك دقيقتين لكي تتبعيني...
راحت تجري للبيت جابتها صاكها و تبعاتو ..كان في طونوبيل يستنى ركبت معاه ...قعد ساكت و ما تحركش شافت فيه !
جبد دواء و حطهولها في حجرها ...شداتو و خباتوو ...حشمت كي داه لبارح ماكنتش حابة يعرف حتى حاجة باه ما يشد عليها والو ...
ديمارا و حبس عند البلدية ...شافت فيه مستغربة !
روان :" علاه جينا هنا ...
هبط و خلاها ...خرجت تبعاتو دخل و سمعاتو يسقسي على رونديفو ..تاع العقد وقتاش
سيد جابو جيتو في الوقت 10 دقايق و يعيطلكم ..
مارك:" شكرا
روان :" واش من عقد ؟ واش رانا نديرو هنا ...
مارك :" علينا تسجيل زواجنا صحيح ؟
تخلعت روان؛" ماذا عن عقد البارحة
مارك :" أصبحتي حقا ساذجة ...
راح قعد في كرسي و خلاها تخمم مع روحها ..يعني ماتزوجناش البارح و درت مع دارنا هكاك في باطل ..كان يجوز وقت برك ...شافت فيه حاسة روحها تفور من زعاف ...يلعب بحايتها و بدارهم كما يحب ...
قعدت قدامو و قالت :" لازم دير هاك ؟
ما جاوبهاش ..
روان :" ايهاب !! .....
سكتت و هبطت راسها خزر فيها بنص عين ...لحق بيل و زوج رجال معاه ...
بيل :" الشهود هنا سيدي ...
مارك :" حسنا ....
وقف و خلاها راح جهة الباب حتى خرج السيد من الداخل و عيطلهم السيد ...:" سيد ايهاب ****** و الانسة روان ***** تفضلوا ...
وقف و دخل و هي موراه و دخلو معاهم شهود
أنت تقرأ
HE Is My Boy Friend
Romance🇩🇿كرونيك بلهجة الجزائرية 🇩🇿 قصة حب باينة ♪ \\(^ω^\\ ) للبطلة روان و حكايتها مع أعز صديق لها، راح تطور الاحداث و تتغير حياتها، و تجمعها بحب حياتها في دار وحدة. الرواية ذات طابع رومنسي ♡♡
