جوزت روان اليلة في بيت إيهاب حتى رقدت ..فطنت غدوة منداك على صوت باب تحل ..
روان :" إيهاب !!
مي كانت خدامة برك طلعت تسڨم الحالة .
هبطت لتحت مكان حتى واحد قلبها تقبض خوفها غير يزيد بلا ما نحكو على تأنيب الضمير ...
...................
بون لخبر لحق لبابات إيهاب ان مهمة جازت بنجاح و تم قبض على مجموعة كبيرة من شباب و بلغوه بمقتل جلال ماغاضوش كامل لانو كان سبب لي خلا ايهاب يتعوج و يدخل في حياة الكيف و الشراب...تبسم وقال :" très bien
الضابط :" نعلمو حضرتك بلي سيد إيهاب راه عندنا بالمخفر ...في حالة جسدية لابأس به لكن رفض كلام ملي القي القبض عليه ..تقدر في اي وقت نطلقو صراحو
سي مراد :" شكرا ...
🌛🌛🌜🌜🌛🌛🌜🌜🌛🌛🌜🌜🌛🌛
عند إيهاب ...
كان في حالة صدمة كبيرة صورة جلال و هو يطيح غير تتعاود في راسو... حط يديه على راسو و يهز فيه بالنفي ...غمض عينيه يشوف غير في جلال ..يقولو انت خويا ..طاحتلو دمعة سخونة حرقاااتو ...
وقف و قاعد يدور و يسمع غير في صوت جلال و يشوف وجهو ضحكتو ..قسرتو ..بدا غير يتفكر و يتفكر ...حتى عيط عيطة مخفر كامل سمعو و ضرب حيط بدبزة ؟.و طاح في لرض بدا يبكي ....
جاو طلو عليه لقاوه يبكي سكتو ماقالو والو أصلا بلا هذاك شي علابالهم شكون هو وفرُ لو كلش غير على جال دقايق لي راح يجوزهم اليوم
لحق سي مراد و السكريتير تاعو يمشي بكل فخر و ثقة
كان ايهاب قاعد في لرض متحركش حتى جا ليه حارس و قالو :"تقدر تخرج
خزر فيه بحقد و ناض و خرج ماكانش خايف باسكو علابالو يدين باباه يلحقو لاطول من هذا ...خرج و وجهوه لمكتب مسؤول عليهم استأذنولو و دخل لقا باباه و سكريتير قاعدين
سكريتير قلبو تقسم كي شاف حالتو باين بكا بزاف
سي مراد :" واش أخرتها معاك نتا ااه هذا تعبي و تربيتي ليك
ايهاب قعد ساكت كلمة ما قالهاش ما خزرش أصلا في باباه لي قعد يعرش ..حتى قاطعو الضابط المسؤول لي استقبلو
ض.م:" سي مراد من فضلك ما تتقلقش هذي حالة لي جان تاع دوك على كلٍ المساعدة لي قدمتها كانت كبيرة لينا باه نلقو قبض على هذي الشبكة لي بداو ينمو جذورهم في منطقة تاعنا ....
رفد ايهاب راسو مخلوع و شاف فيهم مافهم والو ...
سي مراد يضحك :" لا شكر على واجب هذا شئ درتو لصلاح وليدي و المجتمع.....
ايهاب تقول واحد عطاه كف في هذيك دقيقة والا وحش خلاص و عيط
ايهاب:"ااااااه كلش من تحت أنت .....أنت السبة في موووتووووو ....
شافو فيه و هو راح يجري عند باباه رفد يدو يضربو حتى دخل بيناتهم السكريتير و خذا الدبزة في بلاصة باباه دخل حارس لي عند الباب و جرا شد ايهاب هو و سكريتير و هو يجبد في روحو و يعيط ...باباه كان مشوكي متحركش من بلاصتو لاول مرة. يخاف من وليدو ..لي ظلامو عينيه وهيأتو تبدلت
أنت تقرأ
HE Is My Boy Friend
Romance🇩🇿كرونيك بلهجة الجزائرية 🇩🇿 قصة حب باينة ♪ \\(^ω^\\ ) للبطلة روان و حكايتها مع أعز صديق لها، راح تطور الاحداث و تتغير حياتها، و تجمعها بحب حياتها في دار وحدة. الرواية ذات طابع رومنسي ♡♡
