روان ستانت ايهاب ليل كامل مي ما ولواش..تعيطلو بصح تيليفونو طاافي...الغد منداك مابناش...
راحت لافاك قالت بالاك يحضر مي والو....
عند ايهاب
فطن في دار جلال صاحبو رااسو يووجع.. ريحت شراب و دخان تصرع. من زعاف تاع بارح راح سكر عند صاحبو .. دار يدو على راسو
ايهاب :" اووف واش درت..
قاعد يشوف في حالة.. لقا روحو راقد في صالون قرع تاع شراب و ڨاارو مع ماكلة دنيا تنعاااف.. ناض رفد لافاست و مفاتحو...
جلال :" اوهوووه صباح الخير زين تاعنا...
دار ليها لقاه معنق طفلة ايهاب يكره يجي لهذي دار غير على جال لخماج هذا بصح مالقا وين يروح و زيد جلال صاحبو من بكري و يرتاحلو...
دور وجهو :" صحيت على بارح...
حل الباب و خرج.. تبعو جلال يجري..
جلال :" اصبر خو... ياك صافا...
ايهاب :" وي وي صافا... متقلقش روحك
جلال :" اسمع كي ضيق بيك..خوك راه هنا..
عنقو و قالو :"يعطيك صاحا خويا"
والا لدار لقا غير الخدامين كي عادة... راح دوش و كمل رقد باه مايخممش... ..
ولات روان من لافاك راحت ديركت لدار ايهاب حل خدام الباب و قالها بلي راه في بيتو.. طلعت ليه حلت باب لقاتو راقد قعدت قدامو تشوف فيه دمعة طاحتلها كي تفكرت هدرت باباه البارح..
Flash back :
سي مراد :" ايهاب مزالو صغير و راه غافل على مستقبلو... انا راح ندير محال باه يروح و حتى و لكان بالغصب..
روان :" عمي مراد راك رايح تغلط في حقو! هو حلمو يكمل...
سي مراد:" ميهمنيش حلمو انا نعرف واش مليح لمستقبل ديلو.. المهم الحاجة لي راهي شاداتو هي انتي!!
قلبها تقبض بدات تفهم وين راهي رايحة الهدرة!!
سي مراد :" منيش نقولك بعدي عليه مي حابك تقنعيه نتي لي يسمعلك روان...
روان :" مستحيل نقنعو بحاجة كيما هاذي
سي مراد:" متكونيش أنانية راه وليدي الوحيد.. عندي غير هو في دنيا هذي... تبانلك انا نكره وليدي ااه؟ يهمني حياتو كتر من حياتي... علابالك معامن يسهر... علابالك واش راه يروح.. يدير قادر في دقيقة نمحي هذاك حيوان تاع جلال بصح ايهاب مراحش يسمحلي.. . كاين خيارين في يدك يا تعاونيني و تقنعنيه يا تبعدي عليه!
قعدت تشوف فيه مشوكيا
روان :" كيف كيف راح يكرهني. . في كلا حالتين. .
سي مراد :" كره و حب مجرد مشاعر راكم صغار ماتلعبوهااش تحسو و منعرف انا نهار لي خسرت مرتي لتم عرفت الحب تاع صح. . . روان. . بعدي عليه والا اقنعيه عندك شهر في يدك. . .
أنت تقرأ
HE Is My Boy Friend
Romance🇩🇿كرونيك بلهجة الجزائرية 🇩🇿 قصة حب باينة ♪ \\(^ω^\\ ) للبطلة روان و حكايتها مع أعز صديق لها، راح تطور الاحداث و تتغير حياتها، و تجمعها بحب حياتها في دار وحدة. الرواية ذات طابع رومنسي ♡♡
