لحق لبيتوا قعد يخزر في الباب ..غمض عينيه و تبسم ....فتحها و دخل في ظلمة اول حاجة خزر فيها كانت التاقة لي محلولة ...ذكريات رجعولوا لاول مرة يحس قلبوا تقبض من نهار لي سافر فيه مشى لهذيك تاقة لي كانت بنسبة ليك باب تاع ذكريات عندو سنين ملي غلقوا ..و غلقها مليح و تنهد ...
دار للبونكة و لتم كانت الصدمة ....بلي في بلاصتوا حس نفس تقطعلوا ...روان راقدة فوق بونك تاعوا و معنقة لمخدة تاعوا ..ما أمنش عينيه ...لاح رجلوا و دار خطوة الاولى من جهة بونك امبعد دوزيام و ثالثة حتى لحق ليها ...يشوف فيها قعد قدامها و حط يدو على راسها ......حس بقلبو يخبط فوور وقف و بعد قد ما يقدر عليها و دور وجه الحيط
ايهاب :" حبس ...حبس واش راك دير ايهاب مات و حبو مات معاه ..لازم ندمرها هي تان و ننتقم لاااااازم ..
دور راسو لجهتها و قال بلعقل:" ن..ننتقم !!.. لوكان سمعتيلي برك لوكان عطيتيني فرصة بالاك ماروحتش لجلال و مازالو حي و..و ... كنتي نتي ملاذي و حبل نجاتي و تخليتي عليا ..مستحيل نسمحلك ..
ريح في كرسي مقابل و هي في سابع نومة ..قاعد يطلع و يهبط يستنى في غدوة لي راح تكون بداية خطة تاعو ...ما زادش نص ساعة قفز على صوت روان تسوغ وقف مخلوع و هي في فراش تضارب مع روحها ما فهم والو ...حتى تقعدت وقالت :" مترووحش !! كانت ..مخلوعة تمسح في عرقها ...و يدها على قلبها ...دارت شعلت الفييوزا ..و تحوس على كاس تاع لما باه تشرب
روان :" منام برك ..جاز كلش جاز ...
حست لهفة موراها قلبها قريب حبس دارت بلعقل من جهة تاقة حتى تلقاه واقف يخزر فيها ببرود ...
يبست ما عرفت اذا منام والا صح !!!
روان بصوت مخنووق:" إ إ..إيهاب! هذا نتا ؟
راح يمشي جهة ضو شعلها هي وقفت تجري من بونك ...
روان :" أك هنا ماشي منام !! واش راك دير هنا ؟ من وقتاش و نتا هنا ...
إيهاب :" من سمح لك بالدخول الى هذا المنزل ؟(بلغة انجلزية بلعاني )
راحت ليه ما جات تلحق رقد يدو وشرلها تحبس وين راهي ...حبست و قالت :" إيهاب ..هذا نتا صح مانيش نهلوس بيك تان ؟
ما فهمش قصدها بصح تبسم باستهزاء على حالتها كانت بمعنى الكلمة تهدر كي مهبولة ..
ايهاب :" أخرجي من هنا حالا و إياك و العودة أقسم أني سأتمدى معك ...
روان :" ماتهدرش معايا هاك إيهاب ..سبني و دير واش تحب بصح تعيش ما تعملنيش هاك ...
عينيها تعمرو بدموع دنات ليه كثر باه تشدلو يدو طبعها من زعاف خبطها على الباب قد ما عندو غمضت عينيها من سطر و طاحو دموعها .لي أصلا كانو على الشعرة
للحظة تكاكا وخاف عليها ... جبد روحو و بعد عليها كثر
ايهاب :" إياك و لمسي بيدك القذرة ...قلت لك أنا مارك
روان :" نتا إيهاب ..إيهاب ***** ماشي بدلت اسمك أمنت وليت انسان وحداخر ؟ ..بيك الانتقام ...راك ديتو خسرنا كلش بسبتك مالغري ما أذينكش ..ماما لي تحبك و دايراتك وليدها دخلتها لسبيطار بابا لي جامي قالك كلمة توجع حبستو ..سناء بكيتها و انا ...(سكتت و دارت يدها على قلبها ) .......دمرتني ...
YOU ARE READING
HE Is My Boy Friend
Romance🇩🇿كرونيك بلهجة الجزائرية 🇩🇿 قصة حب باينة ♪ \\(^ω^\\ ) للبطلة روان و حكايتها مع أعز صديق لها، راح تطور الاحداث و تتغير حياتها، و تجمعها بحب حياتها في دار وحدة. الرواية ذات طابع رومنسي ♡♡
