سفيان :" صدقيني كنت نتعذب كل يوم و انا كاتم هذا شي في قلبي خفت نخسرك كنت نستنا وقت مناسب للدوك ماجاش لوكان ماشي باباك لي سبقني ماكنتش راح نخبرك باه تقعدي روان لي حبيتها بزاف مانيش قادر نعرف واش راه يدور في مخك ...
قاعدة سااااكتة
سفيان :" كنت موجد روحي و دربت على هذي الهدرة ألف مرة ...و وي راني نزرب بااااسكوا مانيش قادر نزيد نصبر كثر ...
شدلها يدها
سفيان:" روان **** تقبلي تتزوجي بيا ؟
من خلعة جبدت يدها عليه و شافت فيه عينيها حايخرجوا من شووك
سكت و زير على يدوا جاست هذا كان كي موس تغرز في قلبوا هي شافت وجه كيفاش صفاار ..
روان تسيي تخرج كاااش كلمة :" س..سفيان
غمض عينيه يستنى في رفض قلبوا وجعوا ...يعني مزالوا في قلبها هذاك ؟
روان :" ق..قابلة !!
حل عينيه مشوكي يشوف فيها كي البهلول من الصدمة بيانسور...
سفيان طاااير بالفرحة :" عاااااودي عاااودي !!!
روان بحشمة :" سفيان !!! قتلك ايه
من فرحة جرا عنقها و يحمد في ربي
سفيان :" نوعدك حااجة ماراح تخصك معايا راح نكون نعم الزوج...
قاعدة ساكتة غمضت عينيها تسيي تشد دموعها ...
جبدها عليه و سلم على راسها ما قالت والوا !
سفيان بالڨسرة :" خاتم عندوا شهوووور و هو في جيبي و نهار صح مارفدتوش
دار يدوا على خدها و قالها :" ليوم ردتيني أسعد راجل في عالم !!!
تبسمت معاه و هو تان ....
∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆
لحق سفيان روان لدار..في طونوبيل كان غير يرحي على مستقبل تاعهم و كيفاش ناوي يعيش معاها كانت هذيك اول مرة سمعت سفيان يهدر لهذي الدرجة ماسكتش كاااامل من الفرحة و هي تبتسم و تريبوندي قيس قيس ...مهم لحقوا لدار هبطت و هو ديمارا ...دخلت
صفية من كوزينة طلت عليها كي سمعت صوت الباب :" هذي نتي بنتي على سلامتك ...
روان ما ردتش كملت طريقها لبيتها ديركت و غلقت الباب بالمفتاح ...و مالت عليه تشوف في لرض تسيي تستوعب واش صح صرا واش دارت ....قبلت تتزوج بسفيان ...
روان ( مانكرهوش ...سفياان عاقل و عاوني و حنين معايا ...بصح ماتحبيهش روان .....مي يحبني و تقدر نحبوا و بالاك نحبوا بلا ماني فايقة نعيش معاه و...و... اصبري راح تعيشي معاه في دار وحدة تولوا كانسان واحد لازم تتوجعوا و تفرحوا و تكبروا كيف كيف ....
أنت تقرأ
HE Is My Boy Friend
Romance🇩🇿كرونيك بلهجة الجزائرية 🇩🇿 قصة حب باينة ♪ \\(^ω^\\ ) للبطلة روان و حكايتها مع أعز صديق لها، راح تطور الاحداث و تتغير حياتها، و تجمعها بحب حياتها في دار وحدة. الرواية ذات طابع رومنسي ♡♡
