بيل:" هدية من السيد مارك ...
حلت عينيها مخلوعة.. ايهاااب !!! كان هو مور أكسيدون دوك تأكدت....رمالها من يدو طاحت في حجرها و راح و خلاهاا كيما قالو ايهاب.....شافت في حجرها يادرا واش فيها ..ترددت بزاف تحلو والا لالا ...
دارت كوراج و حلاتو و ياااريت ما حلتش
صابت تصاور تاع كل فرد من عائلة تاعها سناء في جامعة في بيتها راقدة ..يماها بابااهاا..حتى يمات سفيان لحقلهاا..دارت يدها على فمها من شووك...راه يعس في كل خطوة...تصااور لخرين فيهم أكسيدون تاع سفيان..غمضت عينيها و بدات تبكي...
صونا تيليفونها..نيميرو جديد
رفدت..ما قالت والو
مارك:" أعجبتكي هديتي ؟
روان :" علاه علااه
مارك:" ليس لك خيارات كثيرة ..إنفصلي عنه فورا أو ستركضين نحو جنازته في مرة القادمة...
كوبا عليها ...غطات عينيها و بدات تبكي و تسيي تشد شهقتهاااا...
روان :" لازم نلقى الحل..قبل ما نخسر اي واحد
دارت كوراج ناضت و راحت للسانيتار غسلت وجها مليح باه تفطن ...
والات لشمبرة تاع سفيان دخلت و قعدت من لور تشوف فيهم و طاحت عينو في عينها تبسم
حكيم:" ريح ليوم هنا اونسيجامي يزيد عليك الحال..
سفيان:" بابا راك تشوف فيا مليح نهدر و نڨسر علاه نزيد ...
تفتحت الباب و دخلت يمات سفيان مخلوعة مسكينة مع واحد الراجل سفيان شاف في باباه...
سفيان:" علاه قتلها ؟
حكيم :" كان لازم تعرف..
جبد روحو و هي جرات تعنق و تبوس في وليدهاا و تحمد في ربي...
مروة :" خلعتني يا وليدي..حمد لله مت بالخلعة...خاوتك دوك يلحقوا تان
سفيان:" ماكانش لازم تخلعيهم ماشي حاجة ڨرااف..
دنى هذاك السيد لي هو راجل مروة
صهيب :" حمد لله على سلامتك وليدي ..
شاف فيه و ردلو ببرود :" الله يسلمك...
خزر في باباه لي كان غايس في التاقة ..روان روماركات سي حكيم تان باين حزين.. مازال يحب مروة زعما ؟
روان مشات لجهتو و دارت يدها على ظهروا شاف فيها و تبسم ...
روان:" صافا!! مقبيل قلبك ضرك ؟ لازم جوز عند الطبيب
حكيم :"شوووت ...بالاكي يسمعك سفيان ليوم يبيتني هنا
ضحكت عليه ...و قالت :" بصح ماشي معنتها نخليها تفوت هاك جوز عند طبيب .. داكور؟
حكيم:" داكور بنتي غير يريح سفيان نروح ...
صفية :" طولنا بزاف على المريض لازم يرتاح ..
خير الدين:" عندك الحق مادام ماراحش يبات لازم نستكلفوو بورق باه نخرجوه
شاف في حكيم و غمزلوا باه يخرجو...
حكيم :" ويي قال نولوا لدار بكري شوية و يرتاح في بلاصتو..
خرجو بقات مروة و راجلها مع روان ...
روان دنات قعدت قدام مروة
روان :" ماتقلقيش ياك راه هنا معانا و بخير..
مروة :" ما تتصوريش الخلعة لي حكمتني ماجيت نلحق..
سفيان:" مافهمتش علاه خلعوكم هكا كامل...
روان :'' بيانسور نتخلعواا سيد ضربك و هرب في نص نهار واحد ما شاف حاجة ..
شاف فيها سفيان مستغرب...:" ضربني و هرب ؟ ..سيد قاسني و هرب
روان :"..ك.. كيف كيف!!
مروة :" الله لا تربحو شوف نتا تان خذ حذرك و سوق بلعقل منا و جاي فهمت.!!!
سفيان:" دااااكوور...
ناضت و تبسمت معاه:" أنا نخليك تريح راني نجي نشوفك في دار...و دوك نعيط لخاوتك ما يشقاوش ما دام راك خارج...
سفيان:" أتهلاي في روحك...
خرجت مع راجلها و بقات روان معاه وحدهم اونفان...
دار ليها و تنهد
سفيان:" شفتي بابا كيفاه كان يشوف فيها ؟
YOU ARE READING
HE Is My Boy Friend
Romance🇩🇿كرونيك بلهجة الجزائرية 🇩🇿 قصة حب باينة ♪ \\(^ω^\\ ) للبطلة روان و حكايتها مع أعز صديق لها، راح تطور الاحداث و تتغير حياتها، و تجمعها بحب حياتها في دار وحدة. الرواية ذات طابع رومنسي ♡♡
