فطنت روان مخلوعة من لمنام تعرق ..بدات تمسح وجها بيدها ...و تلفتت
روان :" شحال راهي ساعة؟؟ ...
ناضت راحت للصالدوبان غسلت وجها و والات للبيت .. حتى سمعت حاجة طاحت و تكسرت عند بابها قفزت .. دنات ليها بلعقل حتى سمعت صوت طفلة تضحك ..فتحت الباب و شافت هاداك المنظر
ايهاب معنق طفلة لابسة روبة ميني و كيلو و نص مكياج ....تتمايل و شادة فيه باينين شاربين قعدو يضحكو ... طيحو كادر في كولوار تكسر ..ه
طفلة كي شافت روان زادت كلاطات بالضحك و قالت لايهاب و هي تضحك :" شووووت نوضنها ...
شاف فيها ايهاب لي كان متكي على الحيط ..
ايهاب :" نعرفك ..مرتي لي ناضت ...
شافت فيه هذيك الطفلة و كلاطات بالضحك ..
روان حست بالقنطة في هذيك الدقيقة هذي آخر حاجة توقعت تشوفها ..بصح واش راهي تستنى منو ...
ايهاب شد الطفلة و قربها ليه ..
ايهاب :" نكملو سهرة تاعنا الداخل ...
دخلها للبيت .. روان غلقت بابها و قعدت في لرض و تكات على الباب...دموعها بداو يطيحو ..حست قلبها يتقطع على واش شافت .. دارت يدها على فمها تغم بيها شهقتها ...
هو دخل مع هذيك الطفلة حطاتو فوق البونك و قعدت تتلفت وين جات ..
طفلة :"امممممم دارك شابة زين ديالي ...
شاف فيها من لفوق لتحت ...غمزتلو و دنات ليه تمس في كتفو و يد في وجهو
طفلة :" خليني نسيك في مرتك هههههه
...دنات تبوسو حكمها من فكها ..و زير هي تخلعت ...
قال بصوت بارد :" و نشرب شراب دنيا كامل ماراحش نفقد عقلي لدرجة نخلي وحدة كما نتي ترقد معايا ..
طبعها فور حتى جابها في لرض و وقف
ايهاب :" نشرب زكارة فيها !!! نسكر باه ننساها .. بصح حاجة ما نساتني في هذوك العينين ...
سكت و بدا يدور عليها و هي خافت تبدلت الهيئة تاعو كامل ..
ايهاب بلعياط :" وحدة **** كما نتي ما تنسيني ؟؟؟ ..خاجمة كما نتي !!!
بدا يضحك كي مهبول
حكم فاز و خبطو على لرض ..و هي بدات تسوغ و هو يكسر في دوزان ...قريب حبس قلبها من خلعة ما فهمتش والو ..بصح علابالها تقعد لتم تخلاص عليها بطريقة ماشي مليحة...
روان سمعت السوغة خافت ناضت تجري من بلاصتها ..حلت بابها و سمعت تكسار .. جرات حلت بابو و دخلت لقات طفلة في لرض مرعوبة.... و هو مازال حاجة لي يلقاها يتيريها ..
طفلة تبكي و تقول لروان :" س..سلكيني ... راح يقتلني ...
ايهاب بلعياط :" **** اسكتييي ..!!! ما نسمعش صوتك...
روان دخلت شافها حبس ..
ايهاب :" أهلا أهلا !! جات مرتي !!
روان راحت لطفلة و عاونتها توقف
روان :" أخرجي منا ..ازربي ...
ايهاب:" مادخليش روحك و اخرجي خير من تدي بلاصتها ...
طفلة هذيك ما شافتش موراها ميمبا قلعت تجري ...
روان دارت لايهاب لي كان يخزر فيها و زبل طالعلو لراس ....
YOU ARE READING
HE Is My Boy Friend
Romance🇩🇿كرونيك بلهجة الجزائرية 🇩🇿 قصة حب باينة ♪ \\(^ω^\\ ) للبطلة روان و حكايتها مع أعز صديق لها، راح تطور الاحداث و تتغير حياتها، و تجمعها بحب حياتها في دار وحدة. الرواية ذات طابع رومنسي ♡♡
