غزر فيها مشوكي
إيهاب :" ر.. روان؟
روان :" نن ناناك جاتك من لقبر!! مي نتا حابس علاه تغلق تاقا من الداخل يا وجه شر من موقبيل وانا نستنا في جدك الحلوف...
قاعد يشوف فيها هبط راسو و كمل قعد في لرض
سكتت و شافت فيه عرفت بلي سور حاجة صرات
دنات ليه و قعدت اونفاص ليه شمت ريحة دخان و كيف تصرع منو..
روان :" إيهاب واش صرا؟
نفا براسو
روان :" باباك؟!
غمض عينيه و نفا
روان بلعياط مي من خوفها عليه:" إيهاب اهدر ما تقلقنيش!
شاف فيها و عينيه معمرين دموع
إيهاب :"أنا فاشل ما نصلح لوالو.. حتى بابا لي بقالي في دنيا هذي و ما يحملنيش... كلش كونتري
روان طاح منها نص و قلبها تقطع عليه مع كل كلمة يقولها قلبها يتقبض..
إيهاب بقنطة :" قوليلي واش ندير اااه توحشت يما!!! توحشت حياتي لي من قبل! ضعت ضعت...!!
غلبوه دموعو و بدا يبكي دنات ليه و عنقاتو و بدات تبكي ما حملتش هدرتو
إيهاب بلعياط؛:" حاب نلحقها حااااب نلحقها يا ربي!!!!
زيرت عليه روان و تقول :" شووووت اسكت اسكت ماتعودش هذي هدرة أسكت!!!!
عنقها و قالها :" ما تخلينيش وحدي روان ما تخلينيش كيما هما
دناو و خبطاتو لكتفو...
روان :" وين حنروح زعما؟!
دارت يدها على وجهو وبدات تمسحلو في دموعو و هو يشوف فيها يشوف في كل تفاصيل تاع وجها تبسم بلا ما فاق رفد يدو و حطها على وجها هو تان شافت في عينيه مي كان غايس في شواربها قلبها بدا يخبط و حست بسخانة في وجها...هبطت يدها تجري و حمحمت فاق لروحو و جبد يدو عليها.. بدات تمسح في دموعها وهو هبط راسو
روان باه تكوف حالة ناضت من لرض و مدتلو يدها
روان :" يالله ناوي تبات برا؟
تبسم و شدلها يدها و ناض
إيهاب :" كيفاش نديرو؟
روان :" تبات عندنا بيان سور منخليكش في زنقة.. هيا و امشي بلعقل كامل راهم راقدين...
إيهاب :" اوكي...
طلعو كي سراقين لبيتها غلقت الباب بلعقل هو قعد فوق بونك شافت فيه و طابست تحت بونكها جبدت فراشو لي مخبيتو غير ليه ماشي اول مرة تخلاص عليه برا... سڨمتهولو و عطاتلو مخدة و غطا...
روان :" اصبر نجيبلك بيجاما..
إيهاب :" منسحقش
روان :" سي و دوك نولي...
خرجت و خلاتو راحت لبيت يماها و بابها ما جات تحل باب حتى تحل ريقها نشف من خلعة... قابلتها يماها لي قفزة كي شافتها!! دارت يدها على قبلها
صفية :" بسم الله رحمن الرحيم... واش خداك يا طفلة؟ علابالك شحال راهي ساعة
تبسمت روان و قالت بدون اي مقدمات
روان :" نسحق بيجاما تاع بابا...
أنت تقرأ
HE Is My Boy Friend
Romance🇩🇿كرونيك بلهجة الجزائرية 🇩🇿 قصة حب باينة ♪ \\(^ω^\\ ) للبطلة روان و حكايتها مع أعز صديق لها، راح تطور الاحداث و تتغير حياتها، و تجمعها بحب حياتها في دار وحدة. الرواية ذات طابع رومنسي ♡♡
