M - asdan mo ang paligid, s'yang hindi nangangawit,
A - muyin mo ang hangin, sariwang durungawan.
S - ilipin bawat buhay, panunupil ay iwan,
D - atnan ang kasiyahan ng humuhuning pipit.
A - lip-ip sa masukal, mayroong pagkangalit,
N - isnis sila't pinagal, may kinatatakutan.
A - ng pang-aapi ninyo ay dapat nang tuldukan,
N - gawa nila'y pakinggan; 'tigil ang pananakit!
G - abundok ang biyaya, kalikasang umawit,
P - agyamanin ang likas, 'di ang bitag na tangan.
A - ruga ng malamig na kamay— panambitan,
R - etratong papatunay, sa líkas 'wag masungit!
A - ng halik ng bulaklak, sa bibig ko'y sumingit,
I - bong tinitingala, sa 'kin nagsidapuan.
S - andamakmak ang saya; paraiso'y minasdan,
O - kaysarap mabuhay, paligid tila'y langit!
