حب في جبهات القتال
مساء الحب والعافية عليكم حبايبي❤😘
طبعا البارحه جان اخر امتحان الحمدالله وردت انزل بارت بس والله كتبته 3مرات ونمسح ماعرف ليش 😞 لهذا اجلته لليوم 😊
نرجع للحتوته مالتنه 💚😍
ازاد... بعد ماكملت توديع البنات بماانو بعد منشاوف لاكيت ساره وئام درت وجهي عنهن مستصغرتهن اني كولش لان السونه بيه مو قليل
كان ودي اصعد للعماده واشتكي عليهن بس ماردت فضايح طبعي خجول ماأحب اخلي نفسي بهيج مواقف ختمتهه بمريم آخر شي سلمت عليهه
وطلعت لنور علمود نرجع جان اشووف عبدالله ديتقدم اتجاهي
عبدالله... مرحبا ازاد
إزاد.. اهلاً عبدالله
عبدالله.. ازاد عرفت شنو سوت بيج ساره اعتذر نيابه عنه اني تركته وصداقتي نهيتهه وياهه من بعد الصار وياج
إزاد.. مايخصني عبدالله السونه مو قليل اني سكتت مو لخاطر احد بس ماردت السالفه صير على لسان الطلاب
عبدالله... ازاد اني بعدني على قراري وحبي لج
إزاد.. عبدالله اترجاك ابعد عن طريقي الشي هذا سبق وجاوبتك عليه اتمنى ماينعاد بعد
عبدالله.. بكيفج ازاد.. بس ماانساج ويجي اليوم وتحبيني مثل مااحبيتج
بأي
إزاد.. ضليت وكافه بمكاني دقايق وتمشيت واني افكر عبدالله
معقوله يحجي هذا من كل عقله افكر بي
حتى لو جان عندي نيه افكر هسه مستحيل
مستحيل اتقبل شخص معاشر الف وحده غيري
حتى أن جان زماله يعتبرهه أو شي عابر يبقه انسان مايعرف قيمة شخص ويقدره
شلون يريدني اصدكه وامشي وياه عمر لايوم ولايومين
صحيت على صوت نور
نور.. هاازاد وين
...ها نور اجيت حتى نرجع للبيت
...اوك يله نمشي
ازاد...طلعنه اجه الخط رجعنه للبيت
جنت حيل تعبانه رئسا نمت
ماكعدت للمغرب
خابرت علئ بابا كتلو على الامتحانات خلصت ومنتضرته يجي لان حيل شتاقيتلهم خبرني باجر العصر يجي ونطلع الفجر بعدو
مشه اليوم عادي
ثاني يوم للعصر اجه أبويه جنت بلباب منتضرته من سمعت دكه ركضت للباب فتحته صار بوجهي حضنته حيل ودموعي نزلت جنت حيل مشتاقتله جان مبين تعبان دخلنه جوه
دخل سبح وحضرتله ملابسه بعدهي تعشينه سوه واني كاعده بصفه
ابو ازاد.. هابنيتي حضرتي ملابسج
إزاد.. يي بابا كايمه هسه ماعندي شي بيش ساعه نطلع
ابو ازاد.. بابا من وكت ب ٦ هيج حتى للضهر واصلين
ازاد.. حاضر
كمت سحبت الجنطه لميت ملابسي جانن أكثر من الجبتهن وياي لان اشتريت هواي
صارن بحدود جنطتين
اباوعت لكيت نور عيونهه مدَمعه
