حب في جبهات القتال
أشبيدي وانسى وأنته روحي
ودنتيتي ... وطبعي ... وهوآي
أشبيدي وانسى وآنه نجمه ليل
وعيونك سمآي 🍂🥀
__________________
ابو نور... وانتي خويه ام ازاد شلون تبقين وحدج بالبيت
ام ازاد... قابل شيريد يصيرلي
ابو نور... ميخالف ميصير بالله احتاجيتي شي صار شي وياج لا سامح الله وانتي مره وحدج
ام نور... حتى اني هسه كلتله ميصير تبقين وحدج
ميرال ليش ما تجين ويانه لبغداد
ام ازاد... يااا اساور واني وين اروح بغداد وبيتي هنا
ابو نور... لا خويه شنو هالكلام بيتي مفتوح الج
واكيد راح تبقين ويانه لعد اخليج بحدج بحافظه شكبره
ام نور... اي ميرال كلام محمد صح وهذا احسن خيار
ام ازاد... ماعرف شكول بس ريحة عيسى بلبيت وذكرياتنا وكعداتنا كلهه اذكرهه من اباوع بحيطان البيت وارركانه شلون اعوفهن وهنه بس هذني باقيات من اثره ماكدر
ازاد... نزلت دموع ماما وهيه ده سولف بس شفتهه بجيت وياهه ماتحملت
ام نور .. شنو هاي ميرال لعد شخليتي لبناتج لازم صيرين قويه لخاطرهن ياعيني
وثاني شي ذكر الشخص التحبينه بلگلب وصوره مطبوعه بلبال مو بس بحياطين البيت ومكان كعدتا لا تضنين اذا طلعتي حتنسينه لا مستحيل عيسى دووم على بالنه مو هيج شغلات بس التذكرنه بي اهدئي شويه شوفي خليتي ازاد تبجي مره لخ
راح دمرن نفسجن هيج اذا انتي كولين اني كبرت وبعد ماعندي شي ازاد خطيه شافت بعدهي بشبابهه نفسيتهه دمرت
قوي نفسج علمودهه وخليهه تكمل دراستهه وبالهه صافي مو ضال تفكيرهه يمج لان متغربه تدرين عيسى لو مكانج لو بغير دوله يروح وياهه لا صعبينهه على البنيه هم حقهه اني من يمي ماراح ائمن عليج وحدج هنا وابو نور اكيد مشاركني رايي بعد روحي ويانه لبغداد
ازاد .. اي ماما عفيه لا ضلين وحدج
ام ازاد( تنهدت) .. صار ماما التردينه يصير بس مسحي دموعج كافي يروحي
ازاد .. حبيبتي ماما
ام ازاد ... خويه شوفلي بيت حتى اكدر اجي لبغداد
ام نور .. يا داده وبيتي ليش ماسكنون ويانه
ام ازاد .. تسلمين حبيبتي بس ماريد ازحمكم واروحلنا
ام نور .. شنو تزحمينه ازاد من ريحه عيسى وتعودت اشوفهه كليوم حالهه حال نور واعز صدكيني
ام ازاد .. ماتقصرين حبيبتي بس هيج احسن ائلنه
ابو نور .. هسه اخابر صديقي اشوف المشتمل اليم بيتنه اذا مامئجر احجزه
