حب في جبهات القتال
- بارت طويل 🌺
ماضل دمع بالجفن لا ضل حچي الينگال
خلصن سنين العمر حملي بغيابك مال
محتاج حيل وصبر بُعدك بعد لو طال
كلشي بغيابك عِكس كلشي بغيابك عال
حد منجله الفلاح من سعفه صوفر حال
جان اليروّي السعف شافه السعف چتال
،،،،،،،،،،،،،،،،،،،،،،،،،،،،،،،،
علي... وصلنة لبابهم تقريبا ساعة 4 العصر
نزلت ضليت ادك بس ماكو نزل أشم
أشم... خاف ماهمة
علي... رجعت دكيت الباب حيل
انفتح طلعلي رجل عمتة يحجي حيل ويغلط مبين جان منتظر واحد
غسان (برتباك وخوف)... س... سياده... الضابط... علي هذا انته!!!
علي ..عقدت حواجبي
شكله ابد مو طبيعي وجهة ضل ينطي الاوان
السلام عليكم شلونك ابو جاد
غسان( بلعثمه)... و..وعليكم هله بيك
علي... الله يسلمك ابو جاد شنوو راح نضل بلباب واكفين
غسان... هاا ..اا لا شلوون ثواني وجاي بس اخذلك طريق
سناء... شبيك تمشي وتتعثر جن شايفاك جني منو بلباب
غسان.... صووتج بت الكلب الضابط علي هذا جااي كووومي دخلي بت اخووج للمخزن يريد يدخل
سناء... عزة العزاني شجابه الييووم مالكه غير اليووم يجي ابنك لاعب بخلقتهه لعب
غساان... من الله يطيح حضي وحظ ابني شمدريني منين يجيبلي المصايب هل ابن الكلب
سناء ... دعووف الحجي وشوف حل وخلي نخلص من المصيبه العدنه
غسان ... خلي ناخذهه نشمرهه بلمخزن واذا اجه وسئلنه كلوله شردت وي صاحبهه وي حبيبهه شتحجون احجي المهم ماجيبون طاري وجودهه هنا
سناء ... وحلك هذا يصدك بي
غسان ... صدك ماصدك هو منو مالته امهه ابوهه خلي شيطلع بيده يسوي بس ابنج لا تخلينه يطلع وتعاي يله
عشق ... بين فاقده وصاحيه اسمع صوت عمتي وزوجهه ورزايلهم الماتخلص حته واني جثه صايره حسيت جاي انسحل ورجلي
كلشويه جلب بشي الى ان صرت بظلام ونسد الباب
اسمع عمتي ..اااخ يا ام المصايب من لفيتيلي لسه لارتاحيت ولاتهنيت من الله ياخذج ويلحكج بامج يارب
رجعت فقدت وماحسيت بشي بعد مادخلوني للغرفه
علي ... واكف ب 10 دقايق محد يطلع أدم وأشم بسياره يأشرولي كلساع بمعنى شكوو
بس انه هم ماعرف شصاير وهيج وضعه ما يبشر بخير
رجعت ردت ادك الباب مره ثانيه وصلت قريب رئسا طلع صار بوجهي
غسان (بتوتر اكثر )....
ارجوو المعذره سيدي تأخرت عليك تفضل تفضل
علي ... دخلت لجوو رئسا للاستقبال
كعدت شويه واجت ام جاد كعدت يمنه كلشويه دور وجهه على ابو جاد وشكلهم وراهم مصيبه
حمحمت وحجيت
