حب في جبهات القتال
كيف حالكم حبايبي القارئين 🤗 اسعد الله مسائكم 💞😘
يلله نكمل......🥰💜
__________________________
العقل عقلي والفكر أنت
القلب قلبي والنبض أنت. ❤️
ازاد... وكفن دموعي وسكنت روحي من شفته هو اي هو عايش لا مو طيف هذا هوه
احمد.. كل يوم يمر عليه اشتاق لزاد اكثر واكثر لان من يوم العرفت بي جوابه ضليت اراقبه بس من بعيد ماردت اضغط عليه
جنت اريد اطلع من القسم صارت كدامي ازاد بس جانت منهاره تدفعني ورادت تعبرني رئسا كمشته
ازاد وين رايحه شبيج وليش هاي حالتج؟
ازاد.. بقيت صافنه اباوع عليه وكولشي ساكن بيه عيوني هدئت كل ألم بروحي هدء
أحمد... اول ماشافتني هدئت وبقت صافنه عليه
ازاد حبيبتي شبيج شصاير وياج؟
خفت عليه كلش شو هاي احاجيه متحجي بس صافنه
اخذته من ايده ورحت وره القسم مالتنه جانت اكو حديقه حتى احجي وياه على راحتنه
كعدتهة على المصطبه وكمشت ايده
ازاد شصاير منو وياج لا تخوفيني عليج حبيبتي احجي لا تخافين
ازاد... نزلت دموعي من حجه گلبي اوضاعه كوله تخربطت بالموت طلع صوتي ويرجف
أ...أ...احمد هذا أنت مو .... إني ماجاي احلم مو .... حباب كول مو حلم
احمد... لاحبيبتي مو حلم هذا اني كاعد مقابيلج بس انتي احجي شبيج مو والله عقل ما ضل براسي شصاير وياج يكلبي
ازاد... سمعت.... انو.... انت.... تعرضت.... لحادث.... و....
شهكت وخليت ايدي على حلكي ما كدرت اكمل كلامي
أحمد... يعني هذا الخوف والقلق والدموع اني سببه
ازاد... حركت راسي ب أي
أحمد... لعد لهل درجه جنتي خايفه عليه
ازاد... رجعت حركت راسي
أحمد... آه ياازاد والله لو يرجع بيه الزمن هم ارجع واحبج
يابه والله مايلام گلبي من حبج وختارج انتي من دون كل البنات
ازاد... أ.... أ.... أحمد
أحمد... عيونه لحمد
ازاد... حباب احمد لاتعوفني انت أنت روحي وكولشي حلو صار وياي
والرب حسيت روحي طلعت ردت اموت بس فكره انو انت صار عليك شي اختنكت واحس حتى گلبي بعد مايكدر ينبض حتى
لان.... لان اني هم حبيتك أحمد وموت اذا صار عليك شي
أحمد... اسمع كلام ازاد واحس گلبي يركص من الفرح جان بالنسبه اليه مثل الواحد الميت من العطش ويجي واحد يفرحه وينطي مي بارد حتى يروه هيج جانت فرحتي بكلامه واكثر بعد
