حب في جبهات القتال
~ بارت طويل
- هو شخص وٌآحـÃـد علمني أن الصدفه نعمة.❤️
عشق... مر 10 ايام على التحاق علي أهله أبد ماقصرو وياه
هدى توكف على راسي ماتمشي اذا مشوفني شاربه علاجي وزهره متخليني اكوم اذا ماشوفني مخلصه اكلي كله
مصطفى ولا ليله مرت اذا ميجب علاكه حلويات
وياسين كلما يريد يطلع يسئلني شمحتاجه وشنو الأريدة
حنانه هاي العائله وهتمامهه بيه خلاني اعجز شلون اوصفهه بس مع كل هذا اني مفتقده علي رغم ماعشت وياه فتره طويله بس اهتمامه وخوفه عليه خلاني اتعلق بي بسرعة شلون وليش مااعرف....
مثل كل مره كعدت الساعه ب 9 الصبح محد يكعدني اني اكعد وحدي
شمرت الشال على راسي وطلعت رحت للمطبخ
زهره... ياهله بهل صباح
هدى... صباح العافية
عشق... ابتسمت ورفعت أيدي الهن
زهره... يله تعاي أدني تريكي
عشق... رحت غسلت وجهي وكعدت اتريك وياهن
طبعاً خلال هاي الفتره صار اكلي كارثه حتى مرات بليل اكعد مثل البزون افتح علاكت الحلاويات وأضل اكل ههههه
خلصنه بدت هدى تنظف بالمطبخ وتحضر للغده هيه وزهره انه اخذت اداوات التنظيف وضليت انضف الصاله والغرف
اول ماخلصت شفت زهره تريد تصعد لفوك اني اعرف بيه مو دائماً تصعد لان ماتكدر مفاصلهه عده عرك النسه وهشاشه واملاح وفقرات ونزلاق خير من الله خطيه
رئسا كمشتهه من أيدهه وأشرتلهه بأيدي ليش تردين صعدين الفوك
زهره... اردن انظف غرفت عليوي من راح لسه ماصعدتلهه وهم اغسل اهديماته راح ينمدرن وهو يضوج اذا يضلن وصخات وماينغسلن بسرعة وهم صفاوي عنده هدوم وصخات
هدى... اووف منج يزهره انه مو كتلج بس اخلص البيدي انه اصعد ياعيني انتي متكدرين للصعدة والنزله راح نبقى دائماً نكرر هاي السطوانه
زهره... ولج يمه انه ماعندي شي شو كاعدة وأنتي جاي طبخين وشوگ تنظف خلي اساعدجن شويه تره انه ماحب اكعد كضيت عمري كله اركض واشتغل
هدى... خوش انه ماكلج كعدي وسكتي بس صعدين لفوك هسه يكبن عليج فقراتج
عشق... صعدت وكفت بنص الدرج أبتسمت وأشرت على نفسي نوب رجعت اشرلت لفوك بمعنى اني راح أصعد
هدى... ههههههه حلته الذكيه
روحي زهره انتي ضلي يم الجدوره وانه راح اصعد وي عشق
زهره... خوش يمه رايحه هو انه اكدرلجن
عشق... صعدنه لفوك اني وهدى وجانت هاي اول مره اصعد
جان تصميمه مايقل جمال عن تصميم الجوة
هم موجوده صاله بس مو بكبر الجو وبيهه تخم كامل وشاشه
و غرف 3 بس وحده مابيه باب بس خاليله ستاره بس من خرز وحمام
