حب في جبهات القتال
( وهذا بارت طويل لعيونكم تعويض عن التأخير 😇😘)
______________________
انا عيوني تسولف عالغرام ويّــاك
ومن عيوني أعرفك تفتهم قصدي
ما أحب الوكت لو خلص بلــيّاك
بالقرأن محد حبك بگـــــدي
وإذا تنساني صدگ آني ما آنساك
لأنْ غيرك محب بالدنيا ماعندي
مؤيد... سهران اني اليوم وي احمد لأن ابو جان كلش تعبان فدزيته للبيت وجنت منطي خبر لمريم
كعدت بجانب السرير على الكرسي
اي احمد شنو مبين حلتلك نومه الاميره النائمه
بلله هسه اني مين اجيبلك أميره حتى تبوسك وتصحه
لا ولازم مو اي اميره كون اليتمناه گلبك
والله لو مو زحمه وعيب جاكلتله لاازاد يابه ماتبوسينه لهل أمير بلكي يصحه ويخلصنه من هذا الدلال
ميصير اني ابوسك ونخلص شكلت
وكمت بسته براسه
ولك احمد طولت بنومتك ليمته تكعد والله الك وحشه
ماا كافي نووووووم
ضليت هيج احجي وياه ماعرف شلون نمت
حسيت على شخص يكمش ايدي رئسا فزيت شفته احمد
بالبدايه ماصدكت عبالي حلمان لمن سمعت ونينه ورجع ضغط على ايدي
لا لا اكيد مداحلم
احمد احمد تسمعني زاد ونينه
ركضت صحت لدكتور
احمد... بعد مافقدت ما اعرف شصار وياي صحيت ريكي يابس ميت عطش واحس جسمي مربط مااكدر احركه جنت اسمع صوت مؤيد بس مااكدر لااحجي وياه ولاافتح عيوني حتى
حسيت على ضربات على وجهي
الدكتور... احمد احمد تسمعني يلله يابطل افتح عيونك كافي نوم
احمد... م.....م....مي... مي
الدكتور... هسه اجيبلك مي بس حاول تفتح عيونك
احمد... افتح عيوني وسدهن
مؤيد... هااا دكتور بشر
الدكتور... لاتخاف مابي شي انت بس انطيني مجال
مؤيد... لعد ليش مايكدر يفتح عيونه
الدكتور... شي طبيعي لان ستوه كعد بس انته خليني اشوف شغلي
مؤيد... اول ماشفت احمد بده يصحه ويستجيب لدكتور فرحت كلش وشكرت ربي
خليت الدكتور يمه وركضت اتصلت على اهله بلغتهم خطيه كلش فرحو واسمع هلاهل امه
وطبعا مانسيت مريم حتى تخبر ازاد
اول ماخلصت مخابره رجعت يم الدكتور شفت احمد كوه فاتح عيونه
ولك احمد دصحه عاد مو شلعت گلبنه
احمد... م... مي... مي
مؤيد... باوعت لدكتور
ابتسم وكلي بس لاتكثرله
جبت قصبه وشربته
شويه ورجع يون بس ونينه جان كلش عالي
الدكتور... شدتحس احمد شنو اليوجعك
احمد(بتلكئ )... أ...ألم.... كتلني... ج....جسمي كله... كله ... ي...... يو....جعني
بعد ماحسيت بشي
