حب في جبهات القتال
-نرجع لقصتنه وبارت طويل.....
مُنذ أن جَمعتني الأيام بكَ ،
وأنا أُدرك تَماما كيف يَستطيع الإنسان
بأن يَكون دواء للروُح ،
إني أحب ما جَمعني بكَ جَداً ،
ذلك التاريخ وتلك الظَروف ،
أحب ما جَمعني بكَ ،
مُنذ ذلك اليوم وإلىٰ الآن .
،،،،،،،،،،،،،،،،،،،،،،،،،،،،،،،،،،،،،،،،،،،
علي ... شبيك يول ليش هيج مطرگ كصتك افرده عاد من طلعنه لسه أنته روحك بخشمك
أشم ... اسكت وخليهه امي مجلبتلي من نزلت لسه كليوم تعيدلي السالفه ومن سبوع ردت ألتحق لو ما البنات جلبن بيه
علي ... ليش شتريد
أشم ... تشوفني كاعد تجي تكعد يمي
يمه أشم يبعد امك شوكت اشووف بزرتك وافرح بيك هو بس انته هل الوحيد اريدك تترسلي البيت بجهالك
أشم ... نشالله يمه بس اشوفلي مره ومثل ماريد اجي واكلج
ام أشم... ليش ييمه جا وبت عمك شبيهه جمال وخلاق والبنيه مابقيله بس سنتين وتخلص دراسه واحنه منطين حجايه ليش ماتريدهه
أشم ... يمه انتم منطين حجايه مووو انه البت عين الله عليهه مابيه شي بس ماريدهه ماخاشه مخي
ام أشم...انته تريد جيبلي وحده تشلع كلبي وهاي البت عبنهه تحبني وخوش بنيه ماتريدهه يمه هذا الوكت مابي حظ اسمع كلام امك
أشم ... يمه شني تشلع كلبج غير اكبعهه وردهه بس بت عمي ماريدهه
بويه اشوفهه مثل اختي البت احسبهه حسبت البنات اخواتي ماريده
أم أشم... دعيفك من هل سوالف عبالي شو شعندك حسبت اختي منين اجتك حسبت اختك هيه بت صادق وانت ابن شهاب وصارلك أسنين ماملتكين بعد شنهي
أشم ... يمه خليني افكر بعدني مامقرر ولا تلحين عليه وليرحم والديج
ام أشم... والله ولا جوز منك لمن ترضه بهتون بت ماريد اضيعهه من ايدي واريد بأسرع وكت تنطيني موافقتك لأن تعبتني بماطلك هذا
أشم... شووو خلي اطلع احسن لان اذا ابقه ماخلص والله
لو اضل بلدوام ولا اجي لان من اطب لحد ماطلع ازووج هتون ياطلابه الما تخلص اليسمع يكول بس هيه بنيه بالدنيا كلهه
بووويه هاي الهونداي ماخلص منهه ..
هتون... راجعه من الدووم والشمس تسمط احس وجهي شاعل من الحرر
دخلت رئساً للغرفه اخذت الخاولي والدشداشه وللحمام فتحت الدووش وكعدت جوه نص ساعه وطلعت وكبت العيطه
وصووت الجهال تتعارك
حجيت بصووت عالي
خررره بهيج بيت مايصفه من العرك من غضب الله على راسجن مو جناين وعلي شرايج كضن جهالجن وكعدن سكمتنه
اربع وعشرين ساعة عرك وصياح أدري ماتعبن
