حب في جبهات القتال
- بارت طويل 💜
دنيانة لغز والخافيات أهواي
الگمر يطلع بس محد أيفهمة
زغيره أمرايتك والناس عدهه أعيون
وشيفيد النظر كون الگلب يعمة
دليني عليك أستاهدك وياي
من گام الظلام أيتيه النجمة
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
علي... قبل ماصعد رحت لغرفت زهرة طبيت لكيته نايمة على وجهه
عشگ يله بويه كعدي كافي نوم ضليت اكعد بيه ماكو ماتكعد
خفت عليه تقربت كعدت على الجربايه ودرت وجهه
من شفته تنفسهه طبيعي ارتاحين هاي البت راح طلعلي گلب ثاني
رجعت شعري لوره استغفر الله ربي
خليت ايدي على جتفهه وضليت احرك بيه عشگ يالعشگ يله بويه كومي صحصحي كافي نووم يمعودة....
شفتهه بدت تفتح عيونهه
عشق... حسيت على ايد تحركني بلكوة فتحت عيوني لأن يحركني وكولش يوجعني
كمت كعدت ضليت افرك بعيوني
علي... شفت عيونه حمر ومنفخوات عرفتهه باجيه
كمشت اديه ونزلتهن
دكافي يابويه مو مرتي عيونج ....
عشق... جان كامش أديه ويباوعلي بتركيز
علي... ماكافي بواجي ماتعبتي
أني مامنعج من البواچي على اهلج بس مو هيج انتي جاي تأذين نفسج وهذا غلط
شوفي عيونج شلون منفخوت وحمر يعني ماترتاحين لمن تنعمين وبعد ماشوفين
عشق... من كلي هيج كلبي نقبض انعمي شنو لااا مستحيل هم مااكدر احجي وهم ماشوف وراح اضل عاله عليه
لاااا مااريد يصير بيه هيج بس والله مو بيدي هذوله أهلي والصار بيه من بعدهم مو قليل
علي... شفته برطمت ودموعه تنزل
مسحت دموعه وخليت أيدي على راسهه
أدري صعبه فگد الاعزاز مو هين يجوي الگلب واهلج اعزاز ومينسون ومهما طال الزمن راح تبقى ذكراهم وراح تبقى جويه گلبج عليهم ماتبرد ولاتشفه ابد
بس مثل ما أنتي تحبيهم ومتأذيه عليهم همه هم يحبونج وجاي يتأذون من يشوفن شلون جاي تأذين نفسج عليهم
كلت وراح ارجع اعيد أني مامنعج من البواجي لا بلعكس اني اريدج تبجين حتى ترتاحين بس مو 24 ساعة ياابويه غالقة على نفسج
ومخليته بقوقعه بس حزن وهم طلعي منه هيج راح تدمرين وتخسرين صحتج ....
وادري هذا الكلام صعب عليج بس شويه شويه تتعودين ....
لهي نفسج بأي شي طلعي كعدي يم البنات لا تضلين وحدج سوي التردينه بالبيت لان هسه أنتي صرتي وحده من أهله
واذا شفتي نفسج كلش مختنكه كعدي اقريلهم قرآن وادعيلهم احسن بهواي
واذا ضجتي وتعبتي من شي تعاي كليلي وابد لاتتردين ولاتستحين لان هسه أني مسؤل عنج
بكل شي...
