حب في جبهات القتال
$بارت طويل$
بكيت وهل بكاء القلب يجدي؟
فراق أحبتي وحنين وجدي!!
فما معنى الحياه إذا افترقنا؟؟
وهل يجدي النّحيب فلست أدري!!
فلا التّذكار يرحمني فأنسى
ولا الأشواق تتركني لنومي
فراق أحبّتي كم هزّ وجدي
وحتّى لقائهم سأظلّ أبكي
تعبت أكتم قهر حبّي وأعاند كلّ حسّادي.
_________________________________
عشق... بقينا ايام واشهر واحنة عايشين بخوف ورعب وكل شوية تجي سيارات تنادي أنو لازم ندخل الاسلام لو ندفع الجزية
لأن كل ضنهم احنة عائلة مسيحية
ماما انطت كل ذهبها لبابا وطلبت منة يبيعة ويدفع الجزية
لان ماعدنة مكان نروحلة
صح اكو عوائل نزحت لغير مناطق بس احنة منكدر نطلع بسبب جنسية بابا
بابا شيعي وهمة عدهم قتل الشيعي حلال اسمعهم شلون يوجهون جنودهم ويكولون
أقتل رافضيا وتوضة بدمة سوف تضمن الجنة
جان اكو بسنجار عدد قليل كولش من الشيعة كلهم قتلوهم واخذو عوائلهم
ماما تخبلت من سمعت جانت ماتخلي بابا يطلع لبرة ابد واذا راد يطلع سوية مناحة علية لمن يبطل
احمد... ازاد لا تخبليني عمري كله ماكاعد هلكد بلبيت راح يصيرلي شهرين محبوس احس روحي مربطه ومختنك كلش والمسواك خلفلله على ابو ماري يجيبلي والله سجن مو هيج
انعل ابو داعش لابو الموت اليخوفني واضل هيج
ازاد.. اهدء احمد انته مو اول واحد ولاخر واحد ماشوف الناس ماعدهه كله مثلك غير هل الحل ماكو لو موت لو سجن بلبيت ليش تشلع كلبي بكلامك شلون تعوفنه بوسط هاي الاذيابه واحنه ثنين بنات شنو يطلع بيدنه نسوي
احمد.. ماضل هيج حجيت وي ابو ماري راح يدبرلي جنسيه مزوره باسم غير اسمي وديانه مسيحيه مثبته بيهه وهو الرجال اكدلي يدبرهه ونشالله هل كم يوم تطلع وواخذكم ونطلع عيشه ماتنحمل بعد هنا
اواد.. هاي هية مثل ماتريد بس خل تطلعلك الجنسيه ماتطلع اذا مو بيدك
عشق... خليتهم يحجون ودخلت لغرفتي صافنه على دراستي الراحت ولازم هيج ايام امتحاناتي تبلش هاي سنه راحت عليه الله لاينطي السبب نحرمت من صديقاتي نص الي نقتلو ونص الي تهجرو ومامعروفه اخبارهم
حياتنه صارت متعلقه بلاخبار وبابا المايشيل عينه عن شاشه التلفزيون ماجان اكو خبر مفرح بيه كلشي من سي الى اسوء
بعدين اجتي اوامر انو التلفزيون حرام واليباوعلة يعتبر كافر
من كد الضغط النفسي الجنه نمر بي تمرضت ماما لن كلبهه ضعيف جان والتوتر زاد عليه الوجع وشدت الالم عليه وماجان بيد بابا شي يسوي جانت تكابر ومن يسئلهه تكله مابيه شي بس جان من يروح من يمهه تضل تبجي من الوجع وتختنك وتباوع عليه وتبتسم حتى تطمني مابيه شي جنت من اشوفهه واشوف بابا شلون مابيده حيله ومايكدر يسوي شي انقهر واضل ابجي بعيد عنهم لحد ماارتاح يله اطلع اصفن على نفسي من شوكت كبرت وصرت ابجي وامسح دموعي وحدي بعد ماجنت بحضن بابا وماما وادلع عليهم وهمه اليمسحون دموعي
