حب في جبهات القتال
آاااه ياوموت ليش استعجلت...
مخنوگ اضل ترضاهه...
جنت انسه كل ذاك التعب...
من اگعد أني وياهم...
تفارگنه ونباگ الحلم...
صحت الزمن سوهه...
يعني على الروحي الفاتحه...
من هسه راح اقرهه...
شلون اغفه وارتاح...
شيخلص الليل...
علية الصخر ناح...
وتهدم الحيل... 🥀
________________________________
عشق... اول مافتحت عيوني شفت نفسي نايمة بغرفة زغيره اباوع بيدي كانونه ومغذي انتبهت على ملابسي مابيهن شي الحمدلله بس شالي جان مخربط
اذكرت بابا وماما رئسا طفرت
اني شصار وياي يا ربيييي شلون نسيتهم هسه اكيد منتضريني
شلعت المغذي ضلت الكانونة تجري دم ماهتميتلهة كمت والزم بلحايط وامشي دايخه كلش ضليت امشي على كيف فتحت الباب وطلعت اباوع ليكدام وكوه مسيطره على نفسي الدنيا صايرة ظلمة شفت مجموعة اشخاص ديحجون
مانكر الخوف بعده عايش وياي بس مالازم اخلي يسيطر علية لازم انقذ ابوي وأمي
تقدمت ليكدام كم خطوة بس رجلية ماعانتي فقدت توازني وكعت على وجهي نتبهو علية
اجاني نفس الشخص الي شفتة اخر مرة كومني
علي... الله الله شبيج بوية ليش طلعتي تره حالتج تعبانة
خررررب شنو هذا الدم ليش مالخة الكانونة
عشق... ماهتميت لكل هذا رئسا كمشت ايدة الجانت ضاغطة على ايدي حتى يكطع الدم
حجيت بتوسل ودموعي تنزل
عمو مو انته دكول اني جيش
علي... اي
عشق... لعد حباب ساعدني حباب عمو الله يخليك حباب
علي... والله اساعدج من عيوني بس انتي اهدي شوية لان حالتج تعبانة
كتلج وارح ارجع اكول أنتي بأمانتي والله محد يكدر يوصلج
عشق... لااا عمو مو أني مو اني اريدك ساعد بابا وماما حباب يله نمشي هسة قبل لايقتلوهم داعش ضلو هناك بالبيت
لازم نروح بسرعه لازم نستعجل اي حباب عمو استعجل
جنت خايفة على ابوي وأمي بصورة هستيرية جنت احجي بسرعة حتى ماعرفت شكلت
علي... اول شي اخذي نفس وهدي لان كلشي مافهمت منج وحجيلي على كيف
عشق... تركت ايدة وكمشت قميصة ماجنت واعية على جاي اسوي لان جنت بحالة بس الله اليعلم بية جان گلبي يتكطع حجيت بصوت ودموع
شنووووو مافهمت هاااااا جاي اكلك بابا وماما هناك راح يقتلوهم يقتلووووهم تعرف شنو يقتلووووهم وانت تريدني اهدءءء شلوووووووون
يله كووووم خل نمشي هسة انت مووو وعدتني تساعدني يله حباااااب كوم الله يخليك والله ماكو وقت لان ذول مجرمين لا لا مو مجرمين للللك ذول وحووووووش تعرف شنو وحوووش
والله لو عرفو بحقيقة بابا ومنا هو قاتل واحد منهم
اكيد راح يأذووو اي ويقتلووو لذالك ماكو ماكو وقت لازم لازم نروح هسةةةة
