حب في جبهات القتال
(بارت طويل 🌺 وتغشوشة نهاية البارت)
- أتعآرك وآعوفك وآرجع بـ كل شوك
بـ حجه نآسي شي مو مهم وآحجيلك !!
_________________________________
هتون... صار 5 ايام على عركتي وي أشم وهو داير وجهه عني زعلان المفروض انه الزعل شو هذا كلب عليه
جان كلامة وياه على كد السؤال والجواب ويحجي من وره خشمه
كلش ضجت من اسلوبة وياي
يعني المفروض لازم نقوي علاقتنه شو من اول عركه شال خشمه وما يتحاجه
وحسره عليه احجي كلمه عن الابنيه وسئله عنه اذا ماعصب عليه ويعوفني ويروح
خلصت اجازتة ولتحقق
كلش افتقدته صح عشت مده قليله وياه بس جانت كفيله تخليني اتعلق بي
لان تفاجئت من تصرفاته وسلوبه
انه جنت ماخذه صورة عنه واحد اناني متكبر مغرور مايهتم بس بنفسة قليل مسؤليه يحب الحلوات
بس طلع عكس هذا كله مسؤليه البيت كله شايله هو
ويموت على خواته ومايرجع بليل اله وجايبلهم حلويات
وجان يتعامل وياهن مو بس اخوات لا جان مصادقهن
حتى اخواته المزوجات ماينساهن
أشم صح ضاحوك ويحشش هوايه بس يمة اذا عصب مايشوف الكدامه وجيب اليكمشة واليسيطر عليه
واذا زعل يبوووو زعله كلش قوي
ماكدرت انام بالغرفه وحدي اخاف فكمت انام وي البنات بغرفتهن
الجمعة العصر اخذتني عمتي ورحنه انه والبنات لبيت اهلي جانن بنات عمي موجودات هم كضه اليوم ضحك وتحشيش
تعشينة ورجعنة الساعة ب10
مر يومين نايمه وي البنات فزيت على حلم يخوف
حلمت برجال بلايه راس يجيني ضربني بسجينه بطني
فتحت عيوني وانه احس جسمي مربط حتى مااكدر احرك اصبعي وريكي يابس
ضليت اردد بأيات قرائنية لمن رجعت غفيت ردود
ضلت تتكرر الاحلام عليه والرجال مافاركني جسمي بده ينحل والاكل شبه الي كطعته
عمتي عباله حامل خطايه كل شويه وتريد تاخذني احلل بس من كلتله عليه الشهريه اله عافتني
ماكدرت اخبر امي لأن ماجانت موجوده راحت بدروه مال زياره 4 ايام
حسيت على أيد تحرك بيه فتحت عيوني شفت أشم رئسا كعدت
(بفرحه) أشم الحمدلله على سلامتك
أشم... الله يسلمج
ليش نايمة هناا ؟؟
هتون... خفت انام وحدي بالغرفة
أشم... خوش كومي يله رجعي لغرفتج
