حب في جبهات القتال
ياحيف العمر مضى وراحت
ليالينه وصار علينه حلم شوفت
اهلينه العين تبكي بحزن
والشوك رامينه وفراكم مثل
الجمر كل لحضه يجوينه
السلام عليكم
اسمي عشق راح احجيلكم قصتي ودموعي ماراح تفاركني لان كلما اذكر ذاك اليوم المشؤم الي شفت بي بابا وماما كدام عيوني بس جثث روحي طلعت والدنيا اسودت بعيوني واريد بس اروح وياهم بس الحمدالله على كل حال...
حرجع وياكم شوية بزمن حتى الصورة تتوضح عدكم من حياه بابا وماما
طبعا بابا سيد من سكنة بغداد الوحيد لجدو وعندي عمة وحدة مزوجة وعدهة 2ولد وبنات 3 الولد اسمة جاد الكبير بيهم والوره مسلم ورباب وسحر ويناس
هسة نرجع البابا(احمد) بعد ماتخرج من السادس دخل جامعة بغداد -قسم هندسة معماري
جدو كان رجال معروف بغداد سيد تحبه الناس وتحترمة لان جان متواضع مايحب يرد واحد اذا طلب منه مساعده جان جدو عنده محل مال خياطة رجالية وجانت حالتهم المادية زينه مايحتاجون احد لان جدو جان معروف بهاي المهنة وخصوصا هو توارثهة من ابوه (مهنة العائلة)
__________________________
احمد: بلشت الدوام بالجامعة وهسه اني مرحلة ثانية ما جان عندي علاقة حب بالجامعة وهاي السوالف لان جنت اعرف رد أبوي لهذا الشي ميقبل
لان جان ناوي بس اخلص جامعة يخطبلي من عمامة يعني من العشيرة لهذا جنت مبتعد عن سوالف الحب بس زمالة عادية
عندي صديقي المقرب اسمة مؤيد احجيلة على كل اسراري امي تحبه وابوي يعرفة نطب ونطلع سوه ناكل سوة حتى يبات يمي حباله بنية من الجامعة بس من غير قسم جانت قسم رياضيات وجانت مرحلة اوله بنيه حبابة وخلوقة كلش
يوم من الايام واني بالجامعة جنت واكف يم كشك الاستنساخ منتضر مؤيد يجي يجيبلي الملزمة حتى استنسخهة جنت واكف اشرب جاي
مااحس اله شخص اصتدم بيه وكع الجاي على ملابسي فعصبت عليه كلش وحجيت بنتر...
شبيك متشوف جنت كلش عصبي لان ملابسي توصخن والجاي حار نجويت بي
فمن رفعت عيني عليه وشفته وياريتني مارفعتهة ..............!!!
حبايب لهنا ويخلص البارت😊
لاتنسوون تدعمووني بلايك وتعليقاتكم الحلوه
ولاتنسون تخبروو اصدقاكم على القصه😘😘
نشالله اعوضكم بلبارتات الجايه من اشووف تفاعلكم😘❤🌷
