حب في جبهات القتال
"نرجع لحدوتنه وبارت طويل 🌺"
- وسكرنه أثنينه
وغنه بـ عشگنا الكاس
الـ يَحب أنسان ماتوگف بـ عينه الناس❤
__________________________________
ماسه... كمت وكفت وانه دكات گلبي بعد مااسيطر عليه
واخيراً كحلت عيوني بشوفته وصارت عيني بعيونه
حبيبي واكف كدامي ماهتميت لكل الموجودين ضليت امشي بتجاه وعيوني تجري
هو جان اسرع مني ماحسيت اله واني بنص حضنة
من كثر ماجان حضنه قوي حسيت اضلوعي طكطكن
ضلينه تقريباً بالعشر دقايق هو حاضني
شويه وخر اباوع بعيونة يلصفن والابتسامة مرسومة على وجهه
مسح دموعي وباسني من راسي
أدم... الف مبروك ياسباح الگلب
ماسه... الله يبارك بيك ياااروحي
رجعنة كعدنة بمكانة وبدت الحفلة لبسني الذهب وكل قطعة يلبسنياهه ينطق بكلمه احبچ اموووت عليج وسباح گلبي
كل كلمات الغزل نطقهه
انه جنت مكتفيه بس بالابتسامة الفرحه الجنت عايشة بيه اكبر من انو اعبر عنه
جان احلى يوم بعمري كلة وانه كاعة بصفه وادية حاضنه أدية
بعد ماخلصنة كل المراسم قبل لايطلع باسني بخدودي وركبتي وختمهه براسي
... ولك خوية وتالي راح تبقه بس تبوس عوف البنية مشوفه شلون خجلانه
لاحگ عليه يبعد اختك
أدم... هسة شمسوي انه غير حلالي مو زين من عندي من راح اخليه واطلع
ماسه... هههههه
أدم... ضحكي انتي وانه جد جدي مشتعل
ماسه... رجع باسني من راسي وطلع
روحي راحت وياه
تمنيت امشي ويااه
اجه ابويه و عمي أبو خالد ولده سلمو عليه وباركولي
لليل كلش اتصل علية أدم ضلينة لصبح واحد يتغزل بالثاني اتفقته نهاية الاسبوع العرس ماعارضتة ابد لان انه ميته عليه وشوگي اله مايقل عن شوگه
ثاني اليوم العصر اجاني رحنه اختارية غرفة نوم وثريات للغرفه وستائر
كلش تونست وياه حسيت روحي طفله زغيرة وجاي تشتري ملابس للعيد
ضليت اطلع كل يوم للسوگ مره امي تطلع وياي مره نادين حتى اجهز غراضي
أدم رغم جان مشغول بس مايقبل اله هو يوصلنه ويرجعنة
كل مايخلص يوم ويبدي يوم جديد مو بس فرحتي هي التكبر
اكو خوف بداخلي جاي يكبر وياه خوف من ليله العرس
الخالد كرهني بيه
احس صارت عندي عقدة من هذا الشي
