روايه بسمه مدفونه في خيالي

البارت 35

**
من الخارج يضحك ومبسوط لكن من الداخل مقهور من رونق ومن عنادها ...كل إخوانه مجتمعين مع زوجاتهم الا هو !
رفع نظره وهو يشوفها داخله ...ظهرت الصدمة عليها وهي تشوف الحفلة للحين ما انتهت!
تقدمت بهدوء وهي ترد السلام ...وجلست جنب منار ....
سعاد بانتقاد : وينك جالسين من المغرب وما تسقبلينا
رونق بهدوء:-البيت بيتكم
ام راكان ناظرت سعاد: قفلي الموضوع !
منار :خلينا نعطي خالتي الهدايا لأنه تأخر الوقت وباكر عندنا دوام !
عفست ملامحها رونق توقعت هالفقرة انتهت!
ناظرت جراح الي يكلمها:رونق جيبي الهدايا الي احضرناها لأمي!
ناظرته بهدوء وتوجهت للغرفة ..بعد وقت قصير طلعت ومعها هدية وحدةفقط ...تقدمت من جراح ومدت له الهدية ..مطنشة نظراته الغاضبه من عنادها!
بدأ الكل يقدم لها الهدايا ورونق جالسه تناظرهم بهدوء ..التفتت على سعاد الي تكلمت بانتقاد: ماكلفت نفسك تعطين أمي هدية!
رونق تعرف سعاد ما تعرف تجلس بدون ما تحفر ...وبهدوء نطقت: زواجي من ولدها هذه اكبر هدية حصلت عليها في الدنيا وما رح تحصل احلى من هذه الهدية!
سعاد انغاضت منها : قولي اكبر مصيبة !
ومب قادرين يتخلصوا منك !
رونق ببرود: عادي ترى متعادلين اذا انامصيبة بنظركم ...تراك إنت اكبر مصيبة تورطوا فيها بيت جدي وما هم قادرين يتخلصوا منك ...
سعاد انفعلت من كلامها ...وقفت وهي ناوية تمسح فيها الارض ....وقبل ما تقترب من رونق كان جراح بوجهها. بهمس ما تسمعه الا سعاد « ان فكرت مجرد تفكير تمدين يدك اكسرها »
زياد سحب سعاد وأجلسها مكانها:حنا بالشارع!
سعاد بقهر: ما سمعتم وش تقول عني!
جراح بحدة: انت الي بدأت برمي الكلام والي بيته من قزاز ما يرمي بيوت الناس بحجارة !
ام راكان ناظرت سعاد بهدوء: سعاد خلاص قفلي السالفة!
سعاد النار تأكلها مو عارفه تسكت وبقوة نطقت: والله كلامك هذا عند دار عمي ابغى اشوف مين يتكلم علي كذا؟!
دامني مصيبة نلتقي بالمحكمة
قاطعها راكان بقوة: خلااااص !
قلنا لك اسكتي!
وانت يا رونق مين الي يقول عن سعاد هالكلام ؟!،
رونق تكره فيه هالثقه وكأنه له سلطة على الجميع ...وبهدوء نطقت : ما يخصكم مين قال
قاطعها جراح وهو يناظرها بقوة: رونق انتهينا !
راكان هز رأسه : شفت بعينك كيف تكلمني؟!
قبل ما تيجي يا جراح عند امي وترتجيها حتى نعامل رونق بالطيب بالاول علمها كيف تحترم الي اكبر منها !
وإذا انت تعاملها بالطيب من باب الشفقة مثل ما قلت لأمي ما تجبرنا نشفق عليها ونحزن عليها بحجة إنها منبوذة وما احد يحبها كل هذا نتائج تصرفاتها ...قومي مريم يلا !
جراح انتفخ وجهه من كلامه ...ناظر امه مقهور ليه خبرت راكان ...التفت على رونق الي الهدوء يغلفها ...رفعت رأسها بهدوء عكس الجرح الجديد الي ينزف بداخلها ونطقت بثقة :-وليه يشفق علي جراح ؟!
ترى انا لي عائلة واهل وأحباب بالقرية بس انتم دمرتوا كل شيء!
لا تظنوا اني وحيدة لاني ما ازور الجازي او جواد او اهلهم بالعكس كلهم ما يعنون لي شيء عشت حياتي بدونهم فوجودهم وعدمهم واحد بالنسبة لي !
زياد انقهر من جحدها لاهلها: وجراح عشت حياتك بدونه اشوفك ملتصقه فيه
رونق بهدوء ردت: جراح يختلف عن الكل الي جمعنا
قاطعتها ام راكان: حسبي الله على كل زوجة تقطع الزوج من اهله وتحرضه على اهله !،
اقول امشوا يا عيالي
جراح ضايع بينهم:يمه لحظة !
ام راكان بأسف: لا تزعل علي يا جراح زوجتك ما تبغانا
قاطعتها رونق وهي تقترب منها وتتكلم بهدوء : خالتي أنا ما
دفتها ام راكان بقرف: لا تلمسيني!
انصدمت رونق من تصرفها وكأنها شيء قذر ...وبانفعال نطقت: عمرك ما شهدت مع الحق ..دوم تشوفين عيالك يرمون علي الكلام وان نطقت بحرف واحد تصير علوم طويلة وعريضة !
مسكها جراح من كتفها وابعدها عن امه برفق : رونق
ابعدت يده عنها بقهر:لمتى أسكت!
خلاص انا مليت ....اهلك،وبالذات امك مو راضية عن هالزواج خلاص الحين رح ينتهي كل شيء ....وانا راضية بالانفصال بالمقابل حتى تحصل على راحة البال وتعيش سعيد مع اهلك !
راكان يستغل الفرصة: كوني قد كلمتك وباكر نلتقي بالمحكمة
جراح بغضب: خلاص
تراكم زودوتها !
وكأني رجل طاولة هنا !
وش طلاق وتخبيص!
مسك كتف رونق بتملك: لو عدت هالسوالف مرة ثانية ادفنك بأرضك! اسمي واسمك انكتبوا مع بعض وما في قوة تفرقنا !
تفهمين!
رونق بقهر: واهلك
قاطعهابغضب: ما احد له دخل بحياتي ..رونق زوجتي غصب عن الكل وما اسمح لاحد يفرقنا !
يمه وقسم بالله إن رجعت سعاد ترمي كلام او أي احد مرة ثانية ما لي قعدة هنا ...كرامة رونق من كرامتي !
ام راكان بزعل: ايه ارفع صوتك علي أكثر وكأني بزر ..يا خسارة تربيتي فيك !