فياض يمسح وحهه وهو يتفحص مكان الضربات: نفسي اعرف وش عرفه بخطوبتها
الجازي جالسه تراقبه ...وبداخلها حقد على جواد :- وش عرفني ؟!
لحظه
التفت إليها باستغراب من سكوتها المفاجئ وتفكيرها : وش فيه !
الجازي بتذكر ناظرته وهي تبتسم بتورط : انا تكلمت قدام ام راكان ومريم !
قاطعها بغبن : ما شاء الله عليك !
انتم يالحريم ما تعرفون تعيشون بدون لق لق لق لق اللقلقه تمشي بعروقكم !انا وش اعمل فيك كل هالمشكله بسببك ويا ليت على شيء صادق ..الفت كم كذبه ويلا مشي الامور...متى تتركين هذه السوالف!-
الجازي بتبرير وقلبها يدق من عصبيته وهي تحس بغلطها : حسيتهم يبغون يقهروني برونق انه ما يجيها عرسان !
قاطعها بغضب : تروحين تكذبين !
الجازي نقزت من نبرته وبنرفزه ردت ..ما تحب احد يصرخ بوجهها كذا :لا تصرخ بوجهي كذا !
لا تكبر الموضوع !
وبعدين قص يقص لسانها ام راكان ما اطوله مسرع ما طلعت تنشر الاخبار !
غمض عيونه للحظات يحاول يمسك اعصابه ....ما يعرف ليه الحريم يموتون بهذه الأمور: اتمنى هالحركات ما تنعاد
الجازي بانفعال وهي تشوف نظراته عليها وكأنها عامله جريمه: لا تهدد !
ناظرها والعقده بين حواجبه ظاهره: صدق !
تبغين اصفق لك !
الجازي ترى والله واصله لهنا !
انا رايح انام اعطي خبر لابنتك انه ابوي موجود
قاطعته وهي ناويه تطلع ..لانها إذا جلست دقيقه رح يتذابحون :رونق مب هنا
ترك كل شيء بيده و ناظرها بتحقيق : وينها؟!
الجازي وصلت عند الباب ونطقت : طلعت
قاطعها بحده: لوحدها ؟!،الجازي باستخفاف لتفكيره : ترى عاشت كل هالسنين لوحدها طالعه نازله وين والمشكله ؟!
رد بغيض من اهمالها : المشكله انك ام مهمله !،
طلع جواله واتصل فيها ..زفر وهو يسمع رنين الهاتف
ناظرته الجاوي بضحكه مازحه: هذا يا طويل العمر طلعت رونق علشان ما تكون كذاب مب انت قلت لهم انها مب موجوده .
حركت حواجبها مع ابتسامه مستفزه « كلنا بالهواء سواء بالكذب»
زفر وهو يكتم غيضه واعطاها ظهره اول مره يشوف بحياته الام تقلد ابنتها ...صايره تقلد رونق بشكل فظيع ....قطع حديث نفسه لما وصله صوتها البارد : الو
رد وهو يحاول يضبط اعصابه:السلام عليكم
ردت وهي رافعة حاجب ومسنده ظهرهاعلى الشجره وش يبغى منها : وعليكم السلام
دخل بالموضوع مباشره : كيف تطلعين بدون ما تعطيني خبر !
فتحت عيونها باستنكار حتى طلوع الحديقه تحتاج اذن ..ردت بتمرد: والله !
نسيت اوقع منك اذن خروج ترى حنا بالبيت مو بالشركة !
رد بغضب من وقاحة ردها : تظنين نفسك بفندق تطلعين على كيفك وترجعين !
رفعت حاجب وباستفزاز نطقت : ايه بفندق بس للأسف خدماته سيئه
رد بهجوم فيه سخرية : ايه صدق خدماتنا سيئه حقك علينا ما ندلك رجلينك صبح ومساء يا قلة الادب !ابتسمت وهي متاكده انه النار تشع من عيونه: والله فيكم الخير ....هالشغاله إلي عندكم ما لها شغل يا ليت ترسلها لانه تعرف رجولي هالايام من الجلوس توجعني !
زفر محاوله للتحكم بأعصابه بعمره ما شاف مثل هالبنت المستفزه : اذا لم تستحي فاصنع ما شئت هذا إلي اقوله بس !
ولا تنسين انت تحت مسؤوليتي لو صار لك شيء الكل رح يلومني !
والحين وينك ؟!
ردت وهي تسند راسها على الشجره باريحيه : انا بأرض الله الواسعه ..تحت الأشجار المثمرة ....ومن حولي زهور يانعه ...والاغصان مائله ....والسماء فوقي داكنه ...والرياح ساكنه
قاطعها بعد ما استفزت كل ذره فيه : جعل10 من الجن يتلبسوك !
YOU ARE READING
روايه بسمه مدفونه في خيالي
Romanceتتمه الجزء الاول من روايه احكي غيابا مزق الواجدان بقلم الكاتبه Abrarsh ####ضاقت انفاسي *** *** *** والرواية لا زالت قيد الكتابه