روايه بسمه مدفونه في خيالي

يتبع البارت ٤

ناظرت عمها وما عجبها كلامه وهو يتكلم : انت تبغين العيال يعيشون محرومين من كل شيء!
هذا بخل ما أخبر ابوك بخيل ما ادري وش هالطبع إلي فيك !
ناظرت ابو فياض بعد ما انتفخ وجهها من كلامه : انا مب بخيله بس هذه المرة الرابعه يشترون و ودوبنا العصر كل هذا يؤثر على صحتهم !
ناظرت وسيم إلي واقف يبغى يروح يشتري : ارجعي مكانك ما في مصروف
قاطعها ابو فياض بحده : بس انا قلت روح يا وسيم واشتري إلي تبغى !
قاطعته وهي توقف وتسحب وسيم تبغى تتوجه لجناحها وهي تتكلم : كلامك على عيني بس صحة ولدي اولى !
وقف ابو فياض بغضب : تكسرين كلمتي !
دخل فياض راجع من الشركه مهدود حيله استغرب الاجواء المتكهربه : وش فيه !
ابو فياض بغضب : انا اخر عمري فصعونه تكسر كلمتي !
اقولها تترك وسيم يشتري مصروفه وتعاند وتقول لاااا
لذي الدرجه ما في احترام وتقدير للكبير !
وفوق هذا ساحبه الولد تحبسه فوق مطنشيتني !
يخرب بيت بخلك !
زفرت بضيق من هالحياة عيالها ما لها كلمه عليهم الكل يتدخل ويخرب تربيتهم ناظرت فياض : اقوله وسيم اشترى اربع مرات من الصبح وهو يشتكي من اسنانه مب راضي يقتنع !
انا صحة ولدي فوق كل شيء !
تنهد فياض وبعد صمت للحظات تكلم : وسيم اطلع اشتري ويا ويلك لو اشتريت حلاوة او بوظه !
مفهوم !
وسيم ناظر ابوه و بعدها ناظر امه إلي ماسكه يده بقوة ...اقترب فياض من الجازي وفارق الطول كبير بينهم ...فك يد وسيم بملامح ما تتفسر وبنبره غامضه : جهزي قهوة او اي شيء رأسي مصدع
وبهمس ما يسمعه ابوه : اختصري
ناظرته بقهر وسحبت نفسها وغادرت وهي تغلي غلي !
جهزت القهوة بدون نفس وهي تردح بداخلها " هذا وش رجعه ...مرتاحه منه بسفره ..يرجع يخرب العيال ..ما رح تسكت لانه عمتها وزوجها تجاوزوا حدودهم بتدليع العيال !
جهزت القهوة وطلعت وهي تسمع عمها يشكي لعمتها : هذه ابنة اخووووك كاني جدار قدامها !
مطت الجازي شفتها وبداخلها " يا ليل ابو لمبه ما اطولك "
تقدمت وهي تناظر ام فياض تلوم فيها : والله الغلط راكبك يا جازي !،
مهما كان عمك قال يروح خلاص يروح !
فياض بكذب حتى يصلح السالفه:،يا يبه تراها ما تقصد البارحه ما نام وسيم وهو يبكي من وجع اسنانه مسكينه الجازي ما نامت وهي سهرانه معه !
رفع حاجب بانتقاد :، الولد طول الليل يبكي من الوجع ونا اخذتوه للمستشفى !
اكيد انها الجازي رفضت تخاف تدفع مصاريف الطريق والعلاج !
فتحت عيونها الجازي وناظرت فياض كانها تقول شوف ابوك !
ضحك فياض بخفه : حرام عليك يا يبه انا رفضت نأخذه بعده صغير على علاج الاسنان
قاطعته ام فياض : مالك حق !
ما عندك قلب !
تشوف ولدك يتألم وتحط راسك وتنام !
ابو فياض عفس ملامحه الحاده : ترى كل تربيتكم مب عاجبيتني متاكد باكر رح تصيب الولد عقد نفسية من اسلوبكم الخايس هذا !
دخل وسيم ومعه المشتريات ...ام فياض :تعال يا حبيبي! اقترب وسيم بثقه وهو يشوف جدوده !
حضنته ام فياض بمحبه :توجعك اسنانك يا حبيبي !،
ناظروا الجازي وفياض بعضهم من الكذبه إلي الفوها واكيد وسيم رح يكشفهم !
لكن سرعان مافتحت الجازي عيونها وهي تسمع وسيم يتكلم : ماما ضربتني على اسناني ! حتى بابا يضربني دوم يقولون لا !
فياض ابتسم و غمز الجازي : تربيتك !
أبو فياض سحب وسيم من حضن جدته : ادري بهم يعنفوك وخاصة امك لكن من اليوم وطالع إلي يقولك كلمه مباشره تخبرني !
انقهرت الجازي من عمها ...كتمت غيضها وهي تشوف فياض يؤشر بعيونه لها ما تتكلم وتسكت !
وقفت تغادر وهي تسمع صوت خالد يبكي اكيد صحي من النوم !
**
**
***
واقف عند باب العنايه المركزه ...ناظر ابوه وكانه كل جبال الدنيا فوق راسه !
زفر بضيق وهو يشوف اخوه حالته الصحيه متدهورة ...ربنا يسر له رجال لقاه مرمي بالشارع ...اكيد ما في غيرها زوجته ...بس لوحدها ا تعمل كذا .معقول متفقه مع حبيبها ...استغفر ربه ما يبغى يوصل لذي الدرجه !
ناظر ليث إلي همس له : متاكد انه زوجته لها ضلع بالموضوع !
انتبه يا عمي تجيب سيره قدام جدي انه متزوج ما أضمن انه يدخل بالغرفهىإلي جنب عمي نايف !
جواد هز راسه : لا تخاف! خليه يصحى بالاول وبعدها يصير خير !
وبحيره : تقول عمرها 14 هذه طفله صغيره
قاطعه ليث : مب باين انها صغيره اذا شفتها تظن انها قريب 20
جوا درفع حاجب باستفسار : انت شفت وجهها
هز راسه بالنفي : لاا متغطيه كامل بس طولها وحجمها باين انها كبيره !
جواد عفس ملامحه : يعني لماتقول 14 اتخيل مريم والله طفله صغيره
ليث : مب شرط في عندك بنات بهذا العمر يكبروا بسرعه وفي لا يتأخر سن بلوغهم لوقت متأخر !
جواد هز. راسه بتوعد: والله ما نسكت له !
ورح يرجع للطريق الصحيح غصب عنه !
حنا ساكتين له فوق زواج المسيار له علاقات مب شرعيه مع البنات هذا باكر يرجع على بناتنا !
ليث بتأكيد: صادق !
اقترب احمد منهم : اشوف بينكم اسرار !
جواد بضيق : بعدين نتكلم !
بعد وقت كان طويل استقر وضع نايف ..بعد ما اخذت الشرطه اقواله ...واخبرهم باسماء إلي ضربوه ...كان ناوي يحط اسم رونق لكنه تراجع خاف ينتشر الموضوع وينكشف امره قدام ابوه !
عفس ملامحه بالم يحس ما في جسمه عظمه سليمه !
غمض عيونه بندم وهو يشوف امه وابوه يبكون وقلبهم محروق عليه !
ام جواد وهي تبكي : لمتى وانا قلبي محروق عليك انتظر شوفتك وبالاخير ترجع كذا !
حسبي الله عليه إلي عمل فيك كذا !
ابو جواد بنبره غاضبه : وقسم بالله الا يندمون !
انت وش بينك وبينهم حتى يعملون فيك كذا !
سكت نايف بتورط وبترقيع : لي عليهم فلوس ورفضوا يعطوني ولما هددتهم بالشرطه تربصوا فيني !
احمد ناظره من فوق لتحت وهو يقرصه بعيونه : صادق يا ولد عمي !
ابو جواد بضيق : حسبي الله !
اسمعني زين لما تتحسن صحتك رح يكون لي كلام ثاني معك !
ام جواد وهي جالسه جنب ولدها ؛ اتركه الحين تعبان !
بعد وقت غادر الاغلب وما بقى الا نايف واخوانه وليث واحمد !
جوادناظره بقوة : لمتى يا نايف لمتى !
ليه ناوي تنزل راس ابوي للقاع !
هذا جزاء ابوي يوم
قاطعه نايف بدون ما يناظره : خلاص
ليث بغضب : لمتى
قاطعهم بضجر : وقسم بالله خلاص توبه !
انا اخذت درس قوي علشان كذا انا رح اتوظف مع ابوي بالشركة وانتهينا !
جواد بقوة : والزفت إلي متزوجها !
وليه ما اشتكيت عليها خليها تجرجر بالمراكز مثل الكلبه !
نايف بتعب : ما ابغى السالفة توصل لابوي!
بدر بحده : تطلقها فاهم !
نايف ناظرهم :انا كنت ناوي اطلقها وانهي السالفه لكن بما انه اهلها عملوا كذا وقسم بالله ما اطلقها وخلي رجال منهم يطلع يشتكي علي ويطالب بالطلاق !
ما شاء الله العائلة كلها مطلوبة من الشيكات
قاطعه سعد بغضب : وليه نازل لذي العائله كا عاد يعجبونك بنات العائله حتى تأخذ من
قاطعه ليث : والله يستاهل متزوج بنت الناس يومين ورجعها لهم !
اكيد رح يذبحونه !
بدر تكتف : وش يدريك يمكن ارجعها لانه اكتشف انها مب شريفه انت كل اللوم تحطه على عمك !
نايف زفر بضيق : البنت شريفه من هذه الناحية لكن لسانها الطويل انا اعرف اقصه !
والله لاعلقها طول حياتها !
واشوف كيف تحصل على الطلاق !
جواد بهدوء ظاهري : انسى علاقتك بذي العائله وكل جوالاتك تكسرها وتبدأ حياه جديده إلي بعمرك عندهم عيال وانت جالس تضيع حياتك !
تنهد وهو مقر انه كلام جواد صحيح ...ضيع حياته بالحرام واللهو وما التفت للاعمال الصالحة ...اهله قطعهم كل هالسنين !
بالمقابل ما استفاد شيء،!
ذي المرة ربنا نجاه لكنامره الجايه ما يضمن يوقع مع ناس ينهون حياته نهائيا !
بدر طالعه بشر : انا لو مكانك ارجعها واخليها تذوق الويل وبعدها ارميها لاهلها وما في جسدها مكان سليم !
سعد مط شفته : كله كلام ترى حنا قلوبنا طيبه وبسرعه يلين القلب وما نقدر نقسى باستثناء هذا الجلمود
اشر على جواد !
هذا فعلا يقدر يطلع عيونها وبدون ما يرف له جفن !
مط شفته جواد : كأنك تبالغ
بدر بابتسامة ،: والله ما يبالغ !
جواد هز راسه : ما رح ارد عليكم ...انت يا نايف انسى ذيك القرية انا وليث رح نروح ونتفاهم معهم
نايف مط شفته بعبوس من الوجع : ما رح تلقى عمها أكيد هرب !
ليث تكتف : شكوتك على الفاضي لانهم هاربين ومين رح يمسكهم بذي الجبال !
نايف : المهم انهم ينحصروا ويعيشون حياتهم بخوف وترقب !
جواد هز راسه: انت ارتاح وانا اتكفل بالسالفه !