روايه بسمه مدفونه في خيالي

البارت 13

راكان ناظر جواد وهو عافس ملامحه: ابنتك هذه ما ينفع معها الا القوة يبغى لها تكسير راس
ابو جواد انفجر منها : والله يبغى لها واحد يكسر راسها وين قوتك ياجواد يرحم ايام الجازي الحين ابنتك مب قادر تمشيها على الصراط !
جواد زفر بقهر: قلتها بعظمة لسانك يا يبه ابنتي !
اذبحها وانا طول السنين احس بغصة فقدها وبعد ما لقيتها تبغاني اذبحها !
راكان بتفكير : طيب اخطبوها لواحد من عيالكم شاوروها يمكن ترضى !
ابو جواد اكتساه الهم: يا وليدي رونق معها بنت صعب ما احد رح يقبل فيها من العيال !
دخل عليهم بعد ما سمع كلامهم وبتردد نطق : انا اخطبها على سنة الله ورسوله....

جواد عفس ملامحه بغضب وقبل ما يتكلم نطق زياد بنبره غاضبه: وقص يقص لسانك يا قليل الادب
بدر بضحكه وهو متكي بروقان: وش فيك على الولد اكلته وبعدها ناظر اياد:وين ابوك؟
اياد رفع حاجب وبضجر رد: احد قالكم اني احمله 24 ساعة بجيبتي !
جواد عباره عن بركان وجاء مين ينفجر فيه : صدق ابوك ما رباك ولا علمك سلوم العرب

ابو جواد ابتسم لاياد هذا الولد له ميزه عنده : علامكم عليه !
زياد بانتقاد: تراكم تخربونه بهذه
التربيه انت وابوه تراه مب صغير
اياد وقف وهو ينفش ريشه: هذ ا انت قلتها بعظمة لسانك مب صغير ...خلاص انا قررت اخطبها سمعت انها تدرس طب يعني من هنا لوقت ما اكبر تكون تخرجت وتوظفت وجهزت البيت
قطع كلامه وخلال ثواني هرب لما وقف زياد وهو ناوي يعطيه كم علقه!
ا بو جواد بلوم : وشفيك حاط عقلك بعقل هالبزر
زياد بحده : تراه مب صغير يا عمي عمره 14 سنة !

وبعدهاناظر راكان بغضب : انا كم مره قلت لك سالفة زواج رونق تنساها وترجع وتفتحها وكأنك تعاند !
رونق ما رح تتزوج الا بعد ما تتخرج وتكون ابنتها كبرت وهي اعتمدت على نفسها بعدها رح تتخذ قرار زواجها بنفسها بدون اي ضغوط حالها حال اي بنت بعمرها تفهم !
ابو جواد باعتراض: كلامك ما هو منطقي ابدا،!
انا مب راضي بدراستها تبغى البنت تدرس هالتخصص المختلط وهي ما في وراءها رجال

قاطعه زياد بنظرات قويه :ترى لها اب اذا نسيت يا عمي ! ابوها وراءها يحميها
البنت إلي ما يكون ابوها واخوها سند خلف ظهرها مكسورة السند يا عمي !
وبعدين كثير بنات درسوا وتخرجوا وتوظفوا وسمعتهم الكل يشهد باخلاقهم الطيبه !
المفروض ما نخلط بالامور ...رونق رح تكمل دراستها وقدر معها وما احد يعترض طريقها !

بدر بضحكه: والله احسك اخذت دور ابوها !
جواد اعجبه كلام جواد خمد شوي من النار إلي يحسها بداخله بعد كلام زياد !

زياد رد على كلام بدر : رونق من لحمنا ودمنا وانا اعتبرها مثل بنات اختي ...ابغى مصلحتها!

نايف خزه بس ما قدر ينطق بحرف وهو خايف من عواقب كلامه وهو متأكد 100% انه زياد مخطط على رونق !
راكان بهدوء: طيب الحين رح نمشي على كلامك ..اعطيني طريقة ترجع فيها الى هنا !
زياد بثقه : رح ترجع صدقني وبنفسها مستحيل تحس بالاستقرار عند فياض رح تحس نفسها ثقيله عليهم ..ورح تطلع بنتيجه ما لها الا ابوها وهو مجبور إلي يتحملها !