Filed Up Feelings (Charity Series #2)

• Ending Part One •

Catalina Konan

°°°

Naunang lumabas si Sir Claudius para puntahan si Mr. Lefebre na nasa garden area raw ayon kay Frederick. Dahil hindi na naman namin inasahan ang pagdating ni Mr. Lefebre, hindi namin napapunta ang personal chef ng bahay kung kaya't nagsabi ako kay Sir Claudius na ako na ang gagawa ng tanghalian.

Kasama ko si Frederick sa kusina habang nagluluto ng masasarap na putahe.

"Masama ang mukha ni Mr. Lefebre kanina," bulalas bigla ni Frederick habang naghihiwa ng gulay.

"Sanay na ‘ko," sagot ko.

"Feeling ko iba ‘yung dahilan ngayon. Ang itim ng eyebags n‘ya, e."

"Ano namang connect no’n?" natatawa kong tanong.

"Habang kasama ko siya kanina, may kinakausap siya sa phone. Si... Anastasia po ba ‘yon? Basta gano’n ‘yung pangalan. Para siyang nakikiusap na ewan. Ang tagal n‘yo kasing lumabas ni Sir Claudius kanina. Nag-ayos ba kayo ng gamit?"

Natigil ako't pekeng natawa sa hula niya. Tatlong oras din naghintay si Mr. Lefebre sa 'min...

"G-Gano’n na nga."

Nangunot pa ang noo ko nang bumungisngis ito. Hindi ko alam pero feeling ko may alam siya. Pabiro ko siyang binato ng bawang.

"Ma'am!"

"Anong tinatawa-tawa mo?! Ang dumi ng utak mo ah!"

Binaba niya ang kutsilyo at hinarap sa 'kin ang dalawang palad niya, "Wala akong narinig. Wala talaga, promise! Hindi ko po kayo narinig na umuu---"

"Ahh! Frederick!" sigaw ko sabay takip ng tenga.

Shemay. Pakiramdam ko bigla akong namula sa pinagsasabi niya. Kung ganito ang sinasabi niya, ibig sabihin narinig niya 'yung... u-ungol namin sa loob? Waaahh!

"Kaya naiintindihan ko kung bakit kayo nagtagal kanina ni Sir. Hahahaha!" pang-aasar niya pa.

"Stop it, please!"

Hindi na niya dinagdagan pa 'yun pero patuloy pa rin siya sa pagtawa habang tinutuloy ang gawain.

Hmph!

Matapos ang ilang minuto, natapos din kami sa pagluluto ng pagkain. Sabay naming nilabas ni Frederick ang mga hinanda namin. Syempre, hindi mawawala ang paborito ni Sir Claudius na red wine.

Naabutan namin silang patuloy pa rin sa pag-uusap. Si Sir Claudius ay nakahalukipkip habang seryoso ang tingin sa ama, samantalang si Mr. Lefebre naman ay... bagsak ang mukha sa hindi ko malamang kadahilanan.

Tama nga si Frederick. Mukha ngang may something na nangyari.

"Sorry to interrupt but today’s meal, we prepared creamy garlic tuscan salmon, wild rice and mushroom soup, creamy drilled cucumber salad and lastly, merlot red wine," pagpapakilala ni Frederick sa mga hinain naming pagkain.

Magalang itong yumuko habang nakalagay sa likod ang isang kamay, "Please enjoy your meal."

"Thank you," pormal na sagot ni Sir Claudius.

Sinenyasan ako ni Sir Claudius na maupo sa tabi niya kaya naman wala na 'kong nagawa kundi sundin 'yun. Medyo nakakailang man dahil pakiramdam ko malalim ang pinag-uusapan nila, binati ko pa rin si Mr. Lefebre.

"Good afternoon, Mr. Lefebre."

Nagsalin ng wine si Frederick para sa amin ngunit hindi 'yun pinansin ni Mr. Lefebre. Ngayon lang namin napansin na may iniinom na pala silang red wine-- marahil bitbit ni Mr. Lefebre.