#Unicode
~~~~~~~~~~~~~~~~~~~~~~~~~~~~~~နိဂုံးတိုင်းဟာ
နိဒါန်းနဲ့ အစပျိုးလေ့ မရှိဘူး
ဥပမာ
မင်းနဲ့စပြီး မင်းနဲ့ပဲ
အဆုံးသတ်သွားတဲ့ ပုံပြင်တစ်ပုဒ်လိုမျိုး ..." ခန့်ကမ္ဘာဦး "
~~~~~~~~~~~~~~~~~~~~~~~~~~~~
" ကျွန်တော်ပြောထားတဲ့ ငွေပါ ၊ Amount ပြည့်မပြည့်စစ်ကြည့်ပါဦး "
သော်လွင်က အိတ်အမဲနဲ့ထုပ်ထားတဲ့အထုပ်ကို ကမ်းပေးလိုက်တော့ တစ်ဖက်မှ လက်နှစ်ဖက်ဖြင့်သေချာစွာ ယူနေသည် ။
" ဘယ်အခြေအနေပဲရောက်ရောက် နှုတ်လုံပေးပါ ၊ ခင်ဗျားလိုလူတွေ ဒီနိုင်ငံရဲ့နေရာအနှံ့မှာပေါ်လာမှာမလို့ တစ်ယောက်တည်းဆိုပြီး စိတ်မခြောက်ခြားပါနဲ့ ၊ ကျွန်တော်တို့ကို ပြန်ခွင့်ပြုပါဦး "
သော်လွင်က အဆက်အသွယ် များသည် ။ အခုလည်း လူပေါင်းမြောက်များစွာကို ရက်ပိုင်းအတွင်းရအောင် ရှာနိုင်၏ ။
ကျွန်တော်တို့နှစ်ယောက် ကားပေါ်ပြန်ရောက်တော့ အပြင်လောက၌ လရောင်ပင်ဖြာကျနေလေပြီ ။
" Online ပေါ်က Attack လုပ်မဲ့လူတွေကော အဆင်ပြေလား သော်လွင် "
Mask ကိုချွတ်ပြီး သော်လွင်က ခေါင်းညိတ်ပြလာသည် ။
" စိတ်မပူနဲ့ ကိုခေတ် ၊ သူတို့ကိုလည်း ငွေလွှဲပေးပြီးပြီ ၊ Attacker တွေမလို့ Privacy ကြောင့် လူချင်းမတွေ့ရပေမဲ့ သူတို့ကအဖွဲ့အစည်းနဲ့လုပ်တာ ကိုခေတ် ၊ စိတ်ချရတယ် ၊ တစ်လလောက်တော့ Online ပေါ်မှာ အဲ့ဒီ့သတင်းကပဲ Number (1) ဖြစ်နေအောင် သူတို့လုပ်ပေးနိုင်တယ် "
သော်လွင့်စကားကြောင့် မဲ့ပြုံးပြုံးမိသည် ။
အလှည့်ကျရင် မနွဲ့ကြကြေးလို့ ပြောခဲ့တယ်မလား ။
ခင်ဗျားတို့ပါးစပ်က အသက်ဆက်မရှင်ချင်တော့ပါဘူးလို့ ထုတ်ပြောတဲ့အထိ ဖြည်းဖြည်းချင်းပဲ သွားကြတာပေါ့ ။ အဟက် ။
~~~~~~~~~~~~~~~~~~~~~~~~~~~~
" ဒီပုံစံနဲ့ဆို နောက်တစ်နာရီကြာတောင် မရောက်လောက်ဘူး သော်လွင် "
ကားတွေပိတ်နေမှန်းသိပေမဲ့ စိတ်ကလောနေသည် ။ ရုတ်တရက် ကလောကိုချက်ချင်းသွားဖို့ဖြစ်လာတာကြောင့် လေဆိပ်ကို မိနစ် (30) အတွင်းရောက်မှရမည် ။
YOU ARE READING
CROSSROADS ( လမ်းဆုံ ) Completed
Science Fiction#Unicode လမ်းဆုံဆိုတဲ့နေရာကိုရောက်ရင် ရပ်တန့်ကြရမှာပဲ တူညီတဲ့အရပ်မျက်နှာကို ရွေးချယ်မိနိုင်သလို ဆန့်ကျင်ဘက်လည်းဖြစ်သွားနိုင်တယ် ... #Zawgyi လမ္းဆုံဆိုတဲ့ေနရာကိုေရာက္ရင္ ရပ္တန႔္ၾကရမွာပဲ တူညီတဲ့အရပ္မ်က္ႏွာကို ေ႐ြးခ်ယ္မိႏိုင္သလို ဆန႔္က်င္ဘက္လည္းျဖစ္သြာ...