#Unicode
~~~~~~~~~~~~~~~~~~~~~~~~~~~~~
မကြိုးစားရသေးဘဲ
ရှုံးမယ်ထင်နေရင်
တစ်သက်လုံး
မင်းဟာ
လူပျော့လူညံ့တစ်ယောက် ဖြစ်နေမှာပဲ
" စစ်ဉာဏ်လင်း "
~~~~~~~~~~~~~~~~~~~~~~~~~~~~
ခန်းဆီးစအမဲရောင်တွေဟာ လေထဲတွင်မျောလွင့်လို့နေသည် ။ ဘေးပတ်ဝန်းကျင်ကိုမမြင်ရဘဲ ခန်းဆီးစများကိုသာ အရပ်လေးမျက်နှာတွင် မြင်နေရသည် ။
" သား ရှိုင်းလေး "
အမေ့အသံကိုပီပြင်စွာ ကြားလိုက်ရသည် ။
" အမေ ၊ အမေ ဘယ်မှာလဲ "
ကျယ်လောင်စွာ အော်ပြီးမေးပေမဲ့လည်း တုံ့ပြန်ပြီးပြန်ဖြေသံကိုမကြားရ ။
" အမေ သားနဲ့ မခွဲနိုင်ဘူး ၊ အမေ့ကိုမထားခဲ့ပါနဲ့ သားရယ် ၊ အဟင့် အဟင့် "
အသံကိုသာကြားနေရပြီး ရုပ်ကိုမမြင်ရတော့ ကျွန်တော် စိုးရိမ်စပြုလာသည် ။ ခန်းဆီးတွေကိုဖယ်ခွာပြီး အရူးတစ်ယောက်လို အပူတပြင်းနဲ့နေရာအနှံ့လိုက်ရှာနေမိသည် ။ ဒါပေမဲ့ များပြားလှသည့် ခန်းဆီးတွေကြားမှာ အမေနဲ့တူတဲ့အရိပ်အယောင်တောင် မတွေ့မိ ။
" မငိုပါနဲ့ အမေ ၊ သား အမေ့ကိုဘယ်တော့မှ မထားခဲ့ဘူးလေ ၊ နော် အမေ "
အဆုံးအစမရှိသည့်ခန်းဆီးတွေကို တစ်ခုပြီးတစ်ခုဖယ်ခွာပြီးရှာနေမိသည် ။ ထိုစဉ် ခန်းဆီးတစ်ခုရဲ့နောက်ကွယ်ရှိ အရိပ်တစ်ခု ။ အမေပဲဖြစ်ရမည်ဆိုသည့်အသိဖြင့် ပြေးကာသွားမိတော့ ခန်းဆီးနောက်ကပုံရိပ်ဟာ ကျွန်တော်မရောက်ခင် အကွယ်မှထွက်လာသည် ။
" မ မမထက် "
ဝတ်ခဲလှတဲ့ အနီရောင်မြန်မာဝတ်စုံဖြင့်လှချင်တိုင်းလှနေသော မမထက် ။ ရှည်လျားလှသည့်ဆံပင်တွေကို ဒီတိုင်းဖြန့်ချထားပုံဟာ မဟာဆန်နေသလောက် မျက်နှာထားက ရက်စက်မည့်အသွင်ကိုဆောင်သည် ။
" ကိုကို့ကို တစ်သက်လုံး နင်မပိုင်စေရဘူး ရှိုင်းထက်အောင် ၊ နင်က တစ်သက်လုံးအတွက် အရှုံးသမားပဲ ၊ တစ်သက်တစ်ကျွန်းဆိုတဲ့နေရာမှာပဲ နင့် ရဲ့ငယ်ရွယ်မှုတွေကို ကုန်ဆုံးခံပြီး အရိုးဆွေးမြေ့တဲ့အထိ အဲ့ဒီ့နေရာမှာပဲ နင်သေရမှာ ၊ ဟင်းဟင်း "
YOU ARE READING
CROSSROADS ( လမ်းဆုံ ) Completed
Science Fiction#Unicode လမ်းဆုံဆိုတဲ့နေရာကိုရောက်ရင် ရပ်တန့်ကြရမှာပဲ တူညီတဲ့အရပ်မျက်နှာကို ရွေးချယ်မိနိုင်သလို ဆန့်ကျင်ဘက်လည်းဖြစ်သွားနိုင်တယ် ... #Zawgyi လမ္းဆုံဆိုတဲ့ေနရာကိုေရာက္ရင္ ရပ္တန႔္ၾကရမွာပဲ တူညီတဲ့အရပ္မ်က္ႏွာကို ေ႐ြးခ်ယ္မိႏိုင္သလို ဆန႔္က်င္ဘက္လည္းျဖစ္သြာ...
