#Unicode
~~~~~~~~~~~~~~~~~~~~~~~~~~~~~~~ကွဲအက်သွားတဲ့ ဖန်ခွက်တစ်လုံးလို
စွန်းထင်းသွားတဲ့ အဖြူရောင် T-shirt လို
ညှိုးခြောက်သွားတဲ့ ပန်းတစ်ပွင့်လို
လပြည့်ညမှာ လပျောက်ခဲ့သလိုပါပဲ
ခင်ဗျားနဲ့ကျွန်တော်ဟာလည်း
လမ်းဆုံမှာရောက်နေတဲ့
ဆက်ဆံရေးတစ်ခု ..." ရှိုင်းထက်အောင် "
~~~~~~~~~~~~~~~~~~~~~~~~~~~~~~
ရာသီဥတု၏ပူပြင်းတောက်လောင်နေမှုက လူတစ်ကိုယ်လုံးကိုပင် လောင်မြိုက်တော့မည့်ဟန် ။ ကျွန်တော့်ခန္ဓာကိုယ်အစိတ်အပိုင်းများကတော့ ရာသီဥတုနှင့် ဆန့်ကျင်ဘက်ဖြစ်ကာ အေးစက်လို့နေသည် ။ အတွေးတွေအားလုံးကို ဖြန့်ကျက်နေမိပေမဲ့ ကျွန်တော် ကြောက်ရွံ့တုန်လှုပ်နေသည် ။
ဟုတ်သည် ။ ဒီနေ့ဟာ ကျွန်တော့်ရဲ့ ဒုတိယမြောက်ရုံးချိန်း ။ ပထမရုံးချိန်းတုန်းကတော့ စတိသဘောမျိုးလောက်သာဖြစ်ပြီး တိတ်တိတ်ဆိတ်ဆိတ်သာ ပြီးဆုံးသွားခဲ့သည် ။
ဒီတစ်ခေါက်မှာကော ဘာတွေမေးပြီး ဘာတွေဖြေရမှာလဲ ။ ဘယ်သူတွေကို သက်သေခေါ်ပြီးဘာတွေဖြေကြမှာလဲ ။ ကျွန်တော့်ဘက်က အစိုးရရှေ့နေနဲ့တော့ ခြောက်ကြိမ်လောက်တွေ့ပြီးဖြစ်သည် ။ တွေ့သည့်အကြိမ်တိုင်းရဲ့မေးသမျှမေးခွန်းတိုင်းဟာ သာမန်ကာလျှံကာ မေးခွန်းများသာ ။ ငွေရဲ့သားကောင်ဖြစ်ကုန်ကြသည့်လူတွေကို ကျွန်တော့်ဘက်က နေပေးကြပါ ၊ အမှန်တရားဘက်ကရပ်တည်ပေးကြပါဆိုပြီး ဘယ်အရာနှင့် ပြန်လိုက်ဆွဲခေါ်ရမလဲ ။ ကျွန်တော် ထိုပညာကို မတတ်မြောက်ပါ ။
အဖေယူလာပေးသော Shirt အင်္ကျီလက်ရှည်အဖြူရောင်နှင့် ယောပုဆိုးအနက်ရောင်ကိုကျွန်တော် ဝတ်ဆင်ထားသည် ။ ကျွန်တော် မြန်မာဝတ်စုံဝတ်ထားတိုင်း ခြူးခြူးလေးကို လွမ်းပါသည် ။
" ကိုကိုရှိုင်းက ဒီလိုဝတ်လိုက်တော့ ကလေးနဲ့တူသွားတယ် "
" ဟင် ၊ လူကြီးနဲ့ တူတာမဟုတ်ဘူးလား ခြူးခြူးလေးရဲ့ "
" ဟင့်အင်း ၊ ကိုကိုရှိုင်းက ကလေးနဲ့ပဲတူတာ ၊ အရပ်ကလည်း ကိုကိုကောင်းခန့်တို့လောက်မရှည်ဘူး ၊ နောက်ဆို ခြူးခြူးကြီးလာရင် ကိုကိုရှိုင်းအရပ်ထက်တောင် ကျော်သွားဦးမှာ ၊ ခစ်ခစ် "
YOU ARE READING
CROSSROADS ( လမ်းဆုံ ) Completed
Science Fiction#Unicode လမ်းဆုံဆိုတဲ့နေရာကိုရောက်ရင် ရပ်တန့်ကြရမှာပဲ တူညီတဲ့အရပ်မျက်နှာကို ရွေးချယ်မိနိုင်သလို ဆန့်ကျင်ဘက်လည်းဖြစ်သွားနိုင်တယ် ... #Zawgyi လမ္းဆုံဆိုတဲ့ေနရာကိုေရာက္ရင္ ရပ္တန႔္ၾကရမွာပဲ တူညီတဲ့အရပ္မ်က္ႏွာကို ေ႐ြးခ်ယ္မိႏိုင္သလို ဆန႔္က်င္ဘက္လည္းျဖစ္သြာ...