#Unicode
~~~~~~~~~~~~~~~~~~~~~~~~~~~~အချစ်နဲ့စစ်မှာ မတရားတာ မရှိဘူးတဲ့
ဒါဆို အမုန်းနဲ့ထပ်တူကျခြင်းမှာကော
တရားမျှတမှုတွေ ရှိနိုင်ပါ့မလား ..." ခန့်ကမ္ဘာဦး "
~~~~~~~~~~~~~~~~~~~~~~~~~~~
" ဒေါက် ဒေါက် ဒေါက် "
တံခါးခေါက်သံက အလောတကြီးအသွင်ကိုဆောင်နေသည် ။ တစ်ချက်ပြီးမှတစ်ချက်ခေါက်ခြင်းမျိုးမဟုတ်ဘဲ ဆက်တိုက်ခေါက်နေသည့်အသံမျိုးဖြင့် ။
ပါးလွှာလွန်းတဲ့ ညဝတ်အိပ်အနီရောင်ဂါဝန်ရှည်ကိုဝတ်ထားတဲ့ အမျိုးသမီးကတော့ မှန်ရှေ့မှာရပ်နေသည် ။ အချိန်အားဖြင့် မနက် (5) နာရီကျော်ခန့်တော့ ရှိလောက်ပြီဖြစ်၏ ။
" ထက် ထက် "
" ဂလောက် "
တိုးကျိတ်ကျိတ်ခေါ်သံအဆုံးမှာ သော့နဲ့တံခါးလှည့်ဖွင့်သံကိုပါကြားလိုက်ရသည် ။
" ထက် "
" ဟီး ဟီး ဟီး "
လှည့်ကြည့်ပြီး သွားသုံးဆယ့်နှစ်ချောင်းလုံးပေါ်အောင် ဟီးခနဲရယ်ပြလာသောထက်ကြောင့် လှမျိုးနိုင်ပင် ခြေတစ်လှမ်းနောက်ဆုတ်မိသည် ။
အနီရောင်ဂါဝန်ရှည်နဲ့ထက်က မှန်ရှေ့ရှိခုံပေါ်မှာထိုင်နေခြင်းဖြစ်ပြီး တစ်မျက်နှာလုံးကိုလည်း နှုတ်ခမ်းနီတွေဖြင့် ခြယ်သလို့ထားသည်မှာ ပေပွညစ်ပတ်နေ၏ ။
ပြီးတော့ ထက်ရဲ့ခုံအနီးတစ်ဝိုက်တွင် ကြမ်းပြင်ပေါ်ကျနေသောဆံပင်များကိုပါ တွေ့လိုက်ရသည် ။
" ထက် ၊ မင်း "
ခေါင်းကို အမြန်ဆွဲယူကြည့်တော့ ဆံပင်တွေက တစစီကျိုးပဲ့ပျက်စီးနေသည် ။ ကတ်ကြေးနဲ့တွေ့ရာ ဆွဲညှပ်ထားပုံပေါ်၏ ။
" ဖယ် ငါ့ကိုလွှတ် "
ထက်က သူ့ခေါင်းကိုကိုင်နေတဲ့ကျွန်တော့်လက်ကို ဖယ်ချကာ ဘေးရှိကတ်ကြေးကို ထပ်ယူမည်ဟန်ပြင်နေသည် ။
" ထက် တော်ပြီ မလုပ်နဲ့တော့ ၊ သတိထားဦးလေကွာ ထက်ရာ ၊ သတိထားပါဦးကွာ "
ကတ်ကြေးကိုဆွဲလုပြီး ခန္ဓာကိုယ်ကိုလှုပ်ယမ်းပြီးပြောမိတော့ ထက်က ကျွန်တော့်ကို တွေတွေကြီးစိုက်ကြည့်လာသည် ။
YOU ARE READING
CROSSROADS ( လမ်းဆုံ ) Completed
Science Fiction#Unicode လမ်းဆုံဆိုတဲ့နေရာကိုရောက်ရင် ရပ်တန့်ကြရမှာပဲ တူညီတဲ့အရပ်မျက်နှာကို ရွေးချယ်မိနိုင်သလို ဆန့်ကျင်ဘက်လည်းဖြစ်သွားနိုင်တယ် ... #Zawgyi လမ္းဆုံဆိုတဲ့ေနရာကိုေရာက္ရင္ ရပ္တန႔္ၾကရမွာပဲ တူညီတဲ့အရပ္မ်က္ႏွာကို ေ႐ြးခ်ယ္မိႏိုင္သလို ဆန႔္က်င္ဘက္လည္းျဖစ္သြာ...